BALTH. CORDERII , S. J. INTERPRETATIO,

Divinisque insistendo vestigiis ipsius pugilum primatis per probitatem ad imitationem Dei certaminibus deificationi suae adversantes spiritus atque suggestiones supplantando, commonetur Christo (id est) mystice loquendo, peccato, per baptismum.

Attento hic animo perpende, sacramenta quam propriis involuta sint signis. Etenim cum in nobis mors non sit, ut quibusdam placet, substantiae abolitio, sed conjunctarum partium separatio, ad id quod nos latet abducens, animam quidem, quasi corpore perpetuo privandam, corpus vero, velut humo abditum, alia quopiam alteratione corporea, ex humana specie exterminandum ; non improprie totalis aquae coopertio in mortis atque informis sepulturae figuram accipiatur.

Sacramentaliter itaque baptizatum symbolica diciplina mystice docet tribus illis in aquam immersionibus et emersionibus divinam trium dierum ctibus in sepultura Jesu vitae datoris imitari mortem, quantum possibile viris divina imitatio. In quo, juxta eloquii mysterialem et occultam traditionem, nihil invenit mundi princeps.