DIVISIO ET EXPOSITIO TEXTUS.

Ante vero perfecta, etc.

Hic ostendit qualiter praedicta tria inveniantur in hierarchia humana secundum Evangelium : et primo ostendit modum quo tradita est ista hierarchia : secundo, qualiter dicta tria sunt in ea ibi, Trinum autem similiter, etc.

Dicit ergo primo, quod ea quae agebantur in veteri lege, reducenda sunt ad doctrinam novae legis, quae est perfectio

et finis veteris, et haec hierarchia novae legis est media inter angelicam, et eam quae est veteris legis : et communicat cum angelica, quia intellectualia jam habet in re, habens ipsum Christum in sacrificio, et cum legali, quia adhuc utitur symbolis, quibus tamen ipsa veritas continetur : et haec etiam habet tria praedicta, ut dictum est de aliis.

Nos rcducimus exponendo ante perfecta a legalibus symbolis, id est, ea quae ante fiebant in signis legis, ad doctrinam perfectiorem, scilicet novae legis. Alia translatio, " qui autem perficiebantur, " erant hi qui nunc reducti sunt.

Secundum nos, id est, novae legis in. qua nos sumus, dicit perfectiorem. Ad Hebr. viii, 6 : Nunc autem melius sortitus es ministerium, quanto et melioris testamenti, etc.

Plenitudinem, Matth. v, 17 : Non veni solvere legem, sed adimplere.Finem, Ad Rom. x, 4 : Finis legis Christus, etc.

Est autem haec hierarchia, recepta communicative extremarum, scilicet caelesti, etc.

Sanctificationis quantum ad teletas, ministros quantum ad Doctores, adducendos quantum ad imbutos.

6

ANTIQUA TRANSLATI?.

Unaquaeque vero trium nostrae hierarchiae divisionum consequenter et legali et diviniori, eorum quae secundum nos hierarchiae, prima et media et ultima ordinatur virtute, et divina analogia praevisa, et omnium bono ornatu, et secundum ordinem compacta, et conjunctiva societate.