BALTH, CORDERII, S. J. INTERPRETATIO.

Caeterum observa, quomodo non omnes qui expiationi vacant ordines pro more jam dimittantur, sed soli catechumeni a sacro choro arceantur, quod nimirum hic ordo sacri omnis mysterii sit expers, neque fas sit illi quidquam sive parvum, sive magnum, eorum quae sancte peraguntur adspicere, quippe qui necdum ejus virtutis particeps existat, quae assurgit ad divina contuenda, quam solummodo indulget sacra illa regeneratio, quae primam lucem confert. Caeteri autem ordines qui expiantur, jam pridem quidem sacris sunt instituti, sed quod stulte in deteriora relapsi sint, cum ad anteriora vitae suae rationes extendere debuissent, praecipuis quidem sacris illis divinis, quae sub sacrosanctis signis latitant, interdicuntur,et ab eorumdem adspectu ac communione merito arcentur ; siquidem damnum referrent, si iisdem indigne communicarent, et ad majorem rerum divinarum suique contemptum devenirent. Non incongrue autem admittuntur ad ea quae hic geruntur, ut perspicue discant et advertant mortis incertitudinem et sanctorum prae-

eis aeque utile videntes sacre consummatum ex ministrativa recitatione socium vere existentem a saeculo sanctorum mirabiliter praedicatorum : et fortassis et ipsi ad simile desiderium venient, et ex ministrativa scientia edocentur beatam vere esse in Christo consummationem.