ANTIQUA TRANSLATIO,

A. Unum enim et simplum et occultum Jesu divinissimi verbi secundum nos inhumanatione et compositum et visibile immutabili bonitate et humanitate provenit, et ad se nostram unificam societatem benigne peregit, nostra humilia divinissimus suis summe adunans.

B. Siquidem et nos tamquam membra corpori compaginamur ipsi secundum idipsum ad secundum idem immaculatae et divinae vitae, et non corrumpentibus passionibus mortificati, incompacti, et deiformes et non inconvenientes efficimur ad divina membra et sanissima. Oportet enim nos si ad eum desideramus communionem, in divinissimam sui secundum carnem vitam respicere, et ad eam similitudine mirabili impeccabilitate in deiformem et immaculatum habitum recurrere. Sic enim compacte nobis ad similem societatem donabit.

Unicum enim illud ac simplex arcanumque Jesu Verbum divinissimum per assumptionem humanitatis nostrae, in compositionem simul et adspectum, sine ulla sui imitatione, pro sua bonitate benignitateque processit, nostrique secum unificam communionem benefice excogitavit, ea quae in nobis humilia sunt divinissimis suis uniens excellentiis, ut et nos ipsi, tamquam membra corpori, per ejusdem immaculatae ac divinae vitae identitatem congruamus, ne corruptibilibus necati passionibus, divinis istis sanissimisque membris incongrui vitaeque incapaces existamus ; oportet enim nos, si ad communionem ejus adspiramus, divinissimam ejus in carne vitam contemplari, atque sanctam ipsius impeccantiam imitando, ad deiformem et immaculatum statum contendere ; hac namque ratione, prout nobis congruit, similitudinem suam communicabit.