DIVISIO ET EXPOSITIO TEXTUS.

Hi quidem sacerdotales, etc.

Hic determinat de ordinibus In quos tres supra determinati ordines oppositionem habent, unde intitulatur de perficiendorum ordinibus, et dicuntur ordines non propter aliquam dignitatem in qua constituantur, sed secundum quod recipiunt ordinate operationes eorum qui supra eos sunt.

Dividitur autem in partes duas. In prima dicit de quo est intentio, et continuat se ad praecedentia. In secunda exsequitur, ibi, (sig. 1), Dicamus igitur, etc.

Dicit ergo primo, quod postquam visum est qui sint ordines sacra dantes, dicendum est de tribus ordinibus qui sub eis sunt recipientes ab ipsis. Hi, scilicet quos diximus, sunt sacerdotales, id est, sacra dantes ordines quantum ad gradus ipsos, partitiones quantum ad divisiones eorum ad invicem, virtutes secundum quod unus est purgativae virtutis et alter alterius, operationes secundum quod operantur actus illarum virtutum, consummationes in quantum reducunt In

suis virtutibus provehunt, et ut perfecte purgati, ad illuminantem illustrissimorum sacrificiorum contemplationem et communionem traducuntur.

finem, vel quantum ad consecrationes ipsorum : trinitas, scilicet purgandi, illuminandi et perficiendi.

Deinde determinat de istis tribus ordinibus, et primo de purgandis per diaconos qui sunt ejiciendi a communione et inspectione sacrorum. Secundo de illuminandis per sacerdotes, qui dicuntur fidelis populus, qui admittitur ad communionem sacrorum, ibi (g 2), Medius autem, etc. Tertio de ordine monachorum qui sunt purgati et illuminati et sunt perficiendi, ibi (sig. 3), Perficiendorum autem omnium, etc.

Circa primum primo numerat quinque ordines purgandorum. Secundo, ostendit quomodo purgantur a diacono, ibi, Isti enim sunt, etc.

Dicit ergo primo, quod purgandi sunt illi qui per vocem diaconi separantur a communicantibus, scilicet catechumeni qui sunt obstetricandi per doctrinas diaconorum ad regenerationem baptismi, et de novo paenitentes, energumeni, apostatae et imperfecti : et hi omnes purgantur per diaconum, ut purgati postmodum illuminentur a sacerdotibus.

Distinctae, id est, separatae a communicantibus, sacrificantibus, id est, sacerdotibus, et ministrantibus, id est, diaconis: memoriam in tractatu synaxeos : ejus quidem, scilicet memoriam fecimus catechum multitudinis tamquam adhuc reformandae et figurandae, id est, inferendae et praeparandae, sicut obstetrix format partum, ut sit decentis figurae, ad vitalem approbationem, scilicet baptismum, per quem capientes spiritualem vitam approbantur a Deo obstetricibus eloquiis ante ministrantium, id est, diaconorum, qui ante operantur, sacerdotibus praeparando ad modum obstetricis. Alia translatio habet, " Hujus " per totum. Ejusque revocandae, scilicet multitudinis paenitentium, ejusque, scilicet energumenorum multitudinis, infirmiter, id est, ex propria infirmitate, qua interius laborant, nondum ex toto repressa vi daemonis in fomite : contrariis tumultibus, id est, infestationibus daemonum vel concupiscentiarum : facientibus virtutem, id est, formantibus ipsam : ejusque, scilicet apostaticae multitudinis traducend ae ex pessimis, scilicet erroribus et voluptati-

bus : ejusque tamquam traduciae quidem id est, multitudinis imperfectorum, qui non sunt confirmati in puritate bonae vitae : et dicuntur multitudines per oppositionem unitatis perfectorum ex collocatione eorum in Deum : administrata a obstetricatione et purgativa virtute, id est, diaconis, qui sunt quasi obstetrices et habent purgativam virtutem. Perficiunt, id est, perfecte purgant, ad transordinandos eos purgatos, id est, ut ipsi jam purgati ulterius ordinentur in illuminatione, etc. : sacrificationum, id est, sacrarum actionum in sacramentis, quae fiunt per sacerdotes.

2