EXPOSITIO TEXTUS.

Summus quidem sacerdos , etc.

Littera sic exponitur : Summus quidem sacerdos, id est, Episcopus similitudine assidue ad Deum, id. est, semper Deo assimilari cupiens, volens omnes homines salvos esse, et in agnitionem veritatis venire, sicut dicitur de Deo, I ad Tim. ii, 4,praedicat omnibus ea quae sunt vere Evangelia, id est bona nuntia, quibus nobis nostra salus nuntiatur (non enim dicuntur hic Evangelia, libri Evangeliorum), scilicet Deum fuisse manifestatum per assumptionem carnis, his qui in terra sunt, scilicet hominibus, et ipsum sic manifestatum existentem ex propria et naturali sibi bonitate, non nostra advenisse in mundum, firmiter, Id est, in vera carne, non in phantastica : venisse dico ipsum, aestimantem digna, id est, homines dignos ad unitatem suam, id est, ut sibi unirentur, per humanitatem, id est, pietatem suam, quia in quantum homines, hoc digni non sumus, nisi quia ipse

nos misericorditer dignos existimavit. Et venisse dico, assimilando ad se, imitati instar, id est, similitudine ignis, coaptantem per assimilationem sibi unita secundum ipsum propositum suae voluntatis, vel secundum praeparationem recipientium. Alia translatio sic habet: " Mi" serico rdem existentem his qui in terra c( sunt, ex propria et naturali bonitate ip-" sum ad nos venire, propter amorem " hominum, dignatum esse, et uniendo " ad similitudinem ignis, assimilare sibi " unita secundum ipsorum ad deificatio-" nem aptitudinem : " et hoc probat per auctoritatem Joan. I, 12, dicens : Enim, id est, quia eis credentibus dedit potestatem filios Dei fieri, per participationem divinae similitudinis, quotquot receperunt eum, removentes obicem gratiae, qua scilicet filii non nati ex sanguinibus, id est, ex commixtione sanguinum, neque ex voluntate carnis, quae est in coitu, sed ex Deo nati, id est, divina virtute : ut per hoc distinguatur regeneratio spiritualis a generatione corporali.