DUBIA.

1. Sed videtur, quod non debeat aliam quaerere qui eum ducat, sed per se ire, sicut dicit Augustinus, " Adultus debet " loqui per se ipsum, quamvis sufficiat " parvis confessio patrinorum : " sed hic loquitur de baptismo adulti, quia per praedicationem convertitur : ergo non oportet quaerere anadochum.

2. Praeterea, Vox propria magis aedificat quam aliena : ergo melius esset si per se quam per alium ducentem accederet ad Episcopum.

Dicendum, quod non indiget anadocho ut confiteatur pro ipso, cum ipse per se confiteatur, ut jam dictum est, sed ut perhibeat testimonium de seipso apud Episcopum, quod non fictus accedit, et ut instruat eum in documentis fidei, et qualiter baptismum petere debeat, ad modum quo novitii in religionibus magistro indigent, quamvis ipsi per se confiteantur voluntates suas per seipsos. Et similiter dicendum ad aliud.

1. Item quaeritur,Utrum ista promissio qua promittit se subsecuturum, sit votum ? et videtur, quod sic propter Glossam in cap.VIadRoman. quae dicite quod est votum.

2. Praeterea, Votum est spontanea obligatio: sed iste se sponte obligat : ergo est votum.

Sed contra : Votum est melioris boni promissio, de libera actione et promis-

sione firmata : sed haec promissio est de bono quod est necessarium ad salutem, et sic non de meliori : ergo non est votum.

Quod concedimus : omne enim votum est de eo quod est voluntarium : nullus enim vovet se non occidere, quia ad hoc omnes determinate tenentur.

Ad primum ergo dicendum, quod

Glossa large accipit votum pro qualibet promissione quae est de quolibet bono.

Ad secundum dicendum, quod spontaneum de quo est votum, est bonum quod non est necessitate impositum, sed tantum voluntate assumptum : haec autem promissio est spontanea, quia ei quod ab altero est impositum, voluntas accedit et libere promittit.

5