BALTH. CORDERII, S. J. INTERPRETATIO.

De iis quae in synaxi perficiuntur.

SYNOPSIS CAPITIS :

Prima capitis parte ait, sacramentum venerabilis Eucharistiae esse caeterorum sacramentorum consummationem, et prae caeteris synaxin dici atque communionem, quod singulari ratione nos Deo conjungat uniatque.

Secunda parte describit ritum et ordinem, quo antiquitus sacramentum Eucharistiae consecrari et sumi solet, et quibus praesentibus et exclusis sacrificium fiebat.

Tertia parte subjungit contemplationem, in qua mystice explicat :

I. Quid in sacro sibi velint sacra cantica et lectiones : quid panis et calicicis participatio,

II. Invocat venerabile sacramentum.

III. Exponit, quomodo Deus in se immutatus, se omnibus communicet ; et quomodo pon- tifex Deum imitetur, inferioribus sacra ministrando.

IV. Quid sacrae Scripturae libris contineatur.

V. Quomodo Psalmi et Scripturae animum componant. VI. Qui, et qua de causa, a venerabili sacramenti adspectu et communione arceantur : et

quis ordo inter illos. VII. In quo sita sit impuritas energumenorum et peccatorum, et quomodo, exclusis profanis, viri sancti venerabile sacramentum laudent. VIII. Quid pacis osculum significet. IX. Quid commemoratio sanctorum.

X. Quid ablutio extremorum digitorum sacerdotis. Quid elevatio venerabilis sacramenti. XI. Describit calamitates in quas homo incidit per peccatum, et quanta sit Dei in reparando homine benignitas.

XII. Sacrificium esse commemorationem passionis Christi ; et quis sit finis sacrae communionis.

XIII. Quid divisio et distributio sacramenti insinuet.

XIV. Qualiter gratiae agendae post communionem, et cur sacerdos se ipsum communicet ante alios. XV. Finalis gratiarum actio.

1