BALTH. CORDERII, S. J. INTERPRETATIO.

II. Mysterium synaxeos, seu communionis.

Pontifex precem sacram ad altare Dei celebraturus, ab ejusdem suffltione initium faciens, universum circuit chori ambitum ; donec rursum ad altare divinum rediens, sacrum infit psalmorum melos, omni ordine ecclesiastico sacram ipsi psalmodiam succinente. Per ministros exinde consequenter sacrarum Scripturarum lectio recitatur ; qua finita, sacro ambitu arcentur catechumeni, et cum iis energumeni ac paenitentes, illis qui divinorum adspectu et communione digni sunt remanentibus. Porro ministrorum quidem alii clausis templi foribus assistunt, alii vero aliud quidpiam quod sit ordinis sui agunt. Qui autem in ministrorum ordine primas tenent, una cum sacerdotibus divino altari panem sacrum calicemque benedictionis imponunt, rurm vero alii quidem stant ad portas templi conclusas. Alii vero aliud quid proprii ordinis operantur. Alii autem ministratoria dispositione discreti, cum sacerdotibus super divinum altare proponunt sacrum panem et benedictionis calicem, confessa ante ab omni Ecclesiae plenitudine Catholica hymnologia. Cum quibus divinus pontifex orationem sacram perficit, et sacram pacem omnibus promittit, et omnibus salutantibus inter seinvicem, mystica sacrorum voluminum praedicatio perficitur.