BALTH. CORDERII, S. J. INTERPRETATIO.

De dicta porro precatione, quam antistes super defuncto facit, divinorum nostrorum praeceptorum traduciani ad nos traditionem exponere necesse est.

Divinus itaque antistes, ut eloquia testantur, interpres est divinorum judiciorum ; angelus enim Domini omnipotentis est Dei : quapropter ex Scripturis divinitus traditis accepit, quomodo iis, qui sancte vivunt, pro cujusque meritis divina clarissimaque vita ab aequissimis istis lancibus retribuatur, divina nimirum clementia, pro bonitate sua, maculas ex humana fragilitate contractas dissimulante, quod nemo, ut eloquia tradunt, mundus sit a sorde. Haec itaque promissa novit antistes ex verissimis Scripturis ; quare

sancte viventibus sacras retributiones, simul quidem in Dei imitationem deiformiter efformatas, et aliorum donatas sicut proprias expetens gratias : simul autem et non mendaces promissiones sciens futuras, et praesentibus manifestans aperte, quia ab eo secundum legem sacram expetenda omnibus erit juxta divinam vitam consummatis,