DUBIUM.

1. Sed videtur, quod non magis illuceat Deus Angelis quam nobis : humanae naturae enim illuxit divinum lumen secundum esse per unionem : Angelis autem tantum per gratiam, quod multo minus est : Nusquam enim Angelos apprehendit, etc. : ''ergo multo magis illucet hominibus quam Angelis.

2. Praeterea, Hoc illucere est maxime secundum intellectum : sed secundum Augustinum," Secundum intellectum pa" res sumus Angelis : " non ergo minus illucet nobis quam Angelis, cum aequalibus aequaliter illuceat nobis.

3. Praeterea, Glossa super Apoc. XXI, 17, dicit, quod " eadem est mensura ho-" minis et Angeli : " si igitur Deus non aequaliter eis distribueret lumen, esset injustus quod est impossibile.

Ad oppositum.

Infimum in Angelis est altius eo quod est eminentius in hominibus : dicitur enim de Joanne Baptista, quod qui minor est in regno caelorum major est illo : ergo non est eadem mensura hominis et Angeli : et sic non aequaliter illucet Deus utrique.

Solutio. Dicimus, quod quantum ad sortem beatitudinis eadem est mensura utriusque, scilicet hominis et Angeli, et aequaliter Deus illucet utrique : sed quantum ad statum viae, homines sunt sub Angelis, et minus participant de divinis illuminationibus.

Ad primum ergo dicendum, quod licet magis sit illucere per unionem quam per gratiam, non tamen illa unio removet a tota humana natura modum accipiendi, qui est per speculum et in aenigmate, et

hoc manente non possumus esse aequales Angelis qui vident per speciem.

Ad secundum dicendum, quod secundum intellectum sumus aequales Angelis quantum ad sortem beatitudinis, sed non quantum ad statum viae : et similiter etiam dicitur esse eadem mensura hominis et Angeli. Unde patet solutio ad tertium.

Aliud concedimus : quia concludit quantum ad statum praesentis vitae.

3