EXPOSITIO TEXTUS.

Sed et ipsi perfecto, etc.

Dicit, quod etiam baptizato datur Spiritus sanctus ad robur per unctionem Chrismatis in confirmatione : in quo significatur, quod ipse Jesus, qui significatur per Chrisma, dat nobis Spiritum in quantum Deus, quamvis in quantum homo sit sanctificatus a Spiritu sancto, immutabiliter tamen habendo divinam substantiam.

Ipsi perfecto sacratissima, etc. bapiizato superadventum Spiritus divini ad ro-

bur in confirmatione, characterizante, id est, significante divinissimum Spiritum esse donatum ab ipso Christo sanctificato divino Spiritu humanitus propter nos, id est, secundum humanam naturam quam propter nos assumpsit. Alia translatio, " Ut decet hominem. " Donatum dico, ab ipso immobili habitu substantialis divinitatis, id est, secundum quod divinam substantiam immobiliter retinuit. Non enim intelligendum est hic, quod sit accidens divinitatis, neque intelligendum est quod divinitas sit nomen substantiae quantum ad id a quo imponitur, cum imponatur ab operatione, quamvis sit vera substantia quantum ad id cui nomen imponitur : sicut et scientia in Deo significat substantiam : unde Commentator dicit : " Notandum illud quod ait, substantialis " divinitatis, et quia incommutabilis " mansit. " Denique si in Angelis substantiales habitus audientes, non qualitates forinsecus per accidentia factas intelligimus, multo magis in Deo (qui et super essentiam est) proprie habitum, nec qualitatem accipiemus, quae in composito accidit, sed habitum substantialem divinitatis, quae naturaliter habet ex se universa, quae sunt bonitatis. Intelligendum vero quod divinitas per semetipsam essentia est Dei. Sed hoc quod dicitur de Angelis, intelligendum est ut supra.

16