DUBIUM.

1. Sed videtur, quod haec diffinitio hierarchiae sit incompetens : hierarchia enim inest magis superpositis quam subjectis : ergo magis et potius debuit dicere, ratio superiorum quam subjectorum,

2, Praeterea, Hierarchia consistit in scientia et actione, ut in capitulo tertio Caelestis hierarchiae dictum est : haec autem sunt tam in superioribus quam subditis : ergo hierarchia est ratio utrorumque.

3. Praeterea, Purgatio et illuminatio et perfectio perficiuntur his duobus, scilicet scientia et actione : cum igitur illa tria sint operationes hierarchiae, videtur quod illa hierarchia sit in scientia et actione : et sic idem quod prius.

4. Praeterea, Non ponit in sua diffinitione essentialia hierarchiae, quae in alio libro posuit : ergo videtur incompetens esse diffinitio.

Solutio. Dicimus, quod non intendit diffinire hierarchiam, cum alibi diffinita sit, sed ponere id quod complectitur in se omnia essentialia hierarchiae, in quo sunt implicite difPmicntia hierarchiam. Per hoc quod dicitur, omnis sacrorum ratio et consummatio, tangitur et scientia et actio et quidquid aliud concurrit ad perfectionem hierarchiae : et per subjecta dat etiam intelligere superposita, cum subjectum sine superiori non possit intelligi. Et per hoc patet solutio ad objecta.

5