DIVISIO ET EXPOSITIO TEXTUS.

Et adhuc divinus, etc.

Hic ostendit theoriam Chrismatis quantum ad hoc quod est usus ejus in omnibus fere teletis, et dividit in partes tres. Primo enim ostendit quare usus illius sit in aliis teletis. In secunda ostendit quare singulariter dicatur teleta, ibi (sig. 17), Inde, aestimo, etc. In tertia ostendit quare in consecratione ejus cantatur " Alleluia, " ibi (g 18), Divinum vero Deo, etc.

Prima pars iterum dividitur in partes duas. In prima ostendit qua ratione sit usus Chrismatis in baptismo. In secunda, de usu ejus in consecratione altaris, ibi (sig. 16), Et hoc hierarchicae, etc.

Circa primum ponit theorias. Prima, quomodo sanctificatio quae fit in baptismo per Chrisma, significat participationem Christi. Secunda, quomodo significat effusionem sancti Spiritus, et hoc maxime in confirmatione, in q?a datur Spi-

ritus sanctus ad robur, ibi (sig. 15), Sed et ipsi perfecto, etc.

Circa primum, primo ponit theoriam Chrismatis secundum quod inungitur ipse baptizatus in vertice. Secundo, quantum ad effusionem Chrismatis in aquam baptismi, ibi (sig. 14), Inde, ut aestimo, etc.

Dicit ergo primo, quod usus Chrismatis est in omnibus divinis perfectionibus : in quo ostendit ipse Christus (qui sanctificat sanctificatos) se esse per seipsum in omni divina perfectione secundum quod Chrismate, quo significatur Christus, alia sanctificantur : et ideo baptismus perficitur Chrismate, ut scilicet ostendatur divinam generationem qua Filii Dei efficimur in baptismo, fieri per sanctificationem quae est a Christo.

Divinius, id est, dignius considerandum est in Chrismate, utitur scilicet traditio omnis divini, id est, divinae actionis hierarchicae : sanctificantem, id est, Christum, omnem sanctificatum, juxta eloquium : Qui sanctificat, et qui sanctificantur, ex uno omnes, ad Hebr. ii, 11, et forte erat antiquitus. Et utrumque significatur dictum, ut dicit Commentator. Vel aliter Christum sanctificantem in quantum Deus, seipsum sanctificatum in quantum homo. Joan. XVII, 19 : Ego sanctifico meipsum.Seipso, id est, seipsum secundum omnem divinam beneficentiam, id est, in omnibus divinis bonitatibus ad Hebr. VII, 25 : Accedens per semetipsum ad Deum. Vel aliter, sanctificantem, id est, summum sacerdotem, seipso, id est, in seipso perficitur quando baptizatus Chrismate in virtute ungitur.

14