EXPOSITIO TEXTUS.

Immundos vero, etc.

Hic ponit diversas opiniones de resurrectione, et primo ponit quatuor falsas, secundo unam veram, quae est secundum fidem, ibi, Sed non recidet aliquis, etc.

Prima ergo opinio erat, quod anima secedebat in non ens, et haec opinio fuit Empedoclis qui ponebat animam esse harmoniam : destructo enim harmoniae, harmonia non remanet.

Secunda opinio quae incipit, ibi, Alii vero corporalem, etc, fuit Platonis, qui dicebat, quod " animae in morte non cor-"rumperentur, sed redirent ad stellas " quarum compares factae sunt, et a qui-" bus in corpora infunduntur : " et hoc quantum ad bonos. Malorum enim animas dicebat in vilius corpus descendere, sicut de viro in mulierem, et deinde in aliud brutum, et de nobiliori in vilius, quousque paenitentiam egissent, et reciperentur ad stellas. Corpus autem tamquam non pertinens ad aliquam naturam stellaram perpetuam, dicebat non esse

incorruptionem, quasi jam propinquiorem factam, intuentes, summi Dei munera collaudant, divinaque voluptate adimplentur, non jam amplius perverti metuentes, sed probe cognoscentes, se bona parta firmiter perpetuoque pos- itorum animae uniendum, ut cum ipsa immortalitatem participaret : et sic negabat resurrectionem corporum.

Tertia opinio quae incipit, ibi, Alii autem corporum, etc, dicebat, quod in resurrectione uniebatur anima corpori, in quo mortaliter vivebat, sed non eidem quod deposuerat : sed assumebat corpus subtile aethereum : et hic fuit error Origenis in quibusdam suis scriptis, quamvis in aliis neget, et tunc temporis erat forte opinio aliquorum haereticorum, sicut erant Simoniani.

Quarta opinio quae incipit, ibi, Alii autem nescio, etc, dicebat, quod resurget anima cum corpore eodem, sed quod illud corpus utetur cibis sicut nunc, et aliis delectationibus corporalibus, et nihil esse beatitudinem : et hoc dixit Papias Hierapolites, quem secuti sunt etiam in hoc Appollinaristae, et hoc etiam dicit Mahumet in lege sua, et similiter Judaei in Talmuth dicentes quod " comedent anseres " in alia vita, et leviathan. "

Primam opinionem non refutat, quia reputat eam omnino irrationabilem et a Philosophis etiam refutatam. Secundam reprobat per hoc quod vita perpetua jam incepit in corpore Christi, quod est ejusdem speciei cum nostris corporibus, et ita nostra corpora sunt connaturalia incorruptibili rei. Tertiam reprobat per hoc quod non est justum si cum anima praemiaretur, corpus (quod cum ipsa etiam laboravit in merito) esset expers a praemio. Quartam reprobat ex hoc quod sanctis est repromissa vita similis Ange-

Iis. Matth. XXII, 30 : Erunt sicut Angeli Dei. Unde injustum foret dicere futuram eis naturalem vitam : et propter hoc non est in hos errores cadendum ex vera fide Christi, qui docet, quod in fine vitae sancti scient se recepturos quietem similem Christo, et in anima et in corpore, et quod implebuntur divinis delectationibus et non corporalibus, nec timebunt recidere in priores aerumnas et peccata, firmati aeternaliter in beata vita.

Immundos, id est, infideles, in nonsubsistentiam, id est, in non esse, redire, scilicet animam et corpus redire in elementa.

Alii vero dicunt corporalem coniugationem animarum propriarum, id est, conjunctionem corporum ad animas proprias esse in semel corrumpi, id est, quousque iterum semel corrumpatur homo, deinde non recipere eadem, velut deiformem vitam, id est, perpetuam, incompactum eis, scilicet corporibus, id est, inconvenientem, quia non sunt de natura incorruptibilium, non intelligentes isti errantes, quod sancti jam inchoaverunt divinissimam vitam in Christo secundum nos, id est, quod nostra immortalis vita jam incepit in Christo, sicut dicitur ad Col. III, 3 : Vita vestra est abscondita cum Christo in Deo, Conjunctam cum eo quasi habentes imo inchoatam. Et hoc concordat alteri translationi quae sic habet : " Alii autem a propriis ani- " mabus semel abrumpi corporalem com- c( municationem sicut inconvenientem ip-

" sis in deiformi vita et bonis finibus , " non intelligentes neque sufficienter in " scientia divina docti inceptum jam in " Christo nostram deiformissimam vi- " tam . "Conjugationes, id est, conjunctos, suspicantes, id est, opinantes ipsi, privant es non recte corpora venientia perseveranter ad finem, scilicet morem, scilicet divinis animabus. Materiales notiones, id est, non cognoscentes nisi materialia, dixerunt sanctissimam repromissionem sanctis factam et beatissimam quietem esse conformem vitae hujus corruptibilis, et projecerunt injuste, id est, indigne attribuerunt escas proprias huic vitae mutatae, id est, a qua mutati sunt, vel quae in motu est, his qui in Angelis sunt, id est, qui in numero Angelorum computati sunt. A sacratissimis viris, id est, doctrinis Catholicorum Patrum. Christiformem, id est, in corpore et anima sicut Christus. 1 ad Corinth. xv, per totum caput : " Si Christus resurrexit, et nos resurgemus. " Scientes, scilicet sancti mortui, vident viam in incorruptionem suam, id est, corporis et animae simul, propinquiorem, quam prius, quia oportebit prius mori, et deinde resurgere, manifestius dotati una stola et securi de reliqua : donationes jam exhibitas, quoad animam, et exspectatas secure quoad corpus, laudant per gratiarum actionem : divinae, non materialis, genitivus pro ablativo : non in aliquo, id est, nullo modo timentes conversionem ad ea quae retro sunt, scilicet peccata, vel praeteritae vitae conditiones.

4