EXPOSITIO TEXTUS.

Superans vero, etc.

Hic ostendit quid significet ipsa, immersio in aquam baptismi, et dicitur quod significat nos configurari morti et sepulturae Christi, secundum quod morimur peccato sine spe redeundi, ut dicit Apostolus ad Rom. VI, 2 et seq. : ''et est tertium.

Dicit ergo : Superans vero, id est, postquam baptizandus superavit operationes, quantum ad peccata, et subsistentias, id est, essentiam quantum ad daemones, contrarias ei et reluctantes, ne deificetur, et hoc militiis divinis, id est, quae sunt circa divina,imitantibus Deum per bonitatem, id est, tendentibus ad imitationem Dei, vestigiis, id est, quae sunt vestigia et similitudines primi militum, id est, Christi, id est, per conformitatem.

ac noctium sepulturae Jesu vitae auctoris mortem imitari, quatenus hominibus conceditur ejus imitatio, in quo, juxta mysticam et arcanam Scripturae traditionem, princeps hujus mundi non invenit quidquam.

ad, ipsum : ipse, dico, per baptismum commoritur Christo peccato, et hoc dicendum est mystice, id est, moritur peccato ad similitudinem mortis Christi, et ipse sapienter intelligit, vel secundum praeexigentiam effectus, cum quanta pulchritudine, id est, spiritualibus pulchris donis proportionatis ad signa corporalia, habet, id est, recipit sacra symbola sacramentorum. Etenim, id est, quia mors naturalis in nobis, non est mors vel corruptio essentiae, id est, forma cujus actus est esse sicut causae, non compositi nisi sicut subjecti : propter quod non etiam proprie potest dici essentia, quia " essentiae actus est esse, sicut lucis lucere, " secundum Avicennam : vel subsistentiae , id est, materiae, in qua est prima ratio subjecti, juxta quod visum est aliis: vero, id est, sed est separatio unitorum, sicut probat Philosophus : forma enim non generatur neque corrumpitur per se, neque materia per se, sed compositum : et ideo generatio per se nihil aliud est quam conjunctio formae cum materia, et corruptio est separatio eorumdem : et ideo dicit Dionysius in libro de Divinis nominibus quod " nihil existentium cor-" rumpitur, sed circa existens, commensurationes, et modi : " et maxime hoc est verum in anima rationali, quae remanet post mortem, quamvis quibusdam contrarium visum est, dicentibus formas per se fieri et corrumpi, vel animam r.a-

tionalem deficere : et hoc ideo dicit, ut ostendatur quod mors congrue significat separationem animae a peccato. Haec dico, separatio ducens animam quidem in nobis visibile, id est, secundum quod nobis videtur summa fidei, vel invisibile nobis secundum intuitum, id est, infernum, vel ad paradisum, quae loca sunt invisibilia sensibus : unde et infernus dicitur in Graeco id. quod non apparet secundum suam naturam : animam dico ut futuram esse semper in privatione corporis, id est, sine spe redeundi ad corpus, quantum ad potentiam naturae, licet resurrectio fiat miraculose : et similiter homo non debet esse in spe redeundi ad peccatum : vero, id est, sed ducens corpus occultum in terra, aut demo litum, id est, destructum ex ea specie quae secundum hominem est, id est, ex specie humana iuxta quamdam corporalium mulationum, alteram ab occultatione qua in terra sepultum occultatur, sicut est putrefactio, et similia : et ideo anima significat hominem qui remanet, sed corpus peccatum quod dissipatur : ipsa, inquam, talis est mors, pulchre, id est, decenter universalis occultatio per aquam, quam scilicet totum corpus mergitur, accipitur in imaginem, id est, figuram mortis, et in imaginationem informitatis, id. est, obscuritatis sepulturae.Sacre igitur baptizandorum. Hic dicit quid significet trina immersio, et dicit quod significat triduanam Christi sepulturam, et est quartum.

Dicit ergo : Ergo ex quo immersio significat sepulturam et mortem, symbolica doctrina baptizandorum docet tribus dimersionibus in aqua, et tribus elevationibus extra aquam, quantum possibile est viris, id est, hominibus tantum divina imitatio, ejus scilicet qui est Deus et

homo, divinam mortem Jesu datoris vitae, manentis in sepultura triduo, id est, tribus diebus totidemque noctibus. In quo, scilicet Jesu, nihil invenit princeps mundi, id est, mundanorum, id est, diabolus quod suum esset, et hoc juxta mysterialem et occultam traditionem eloquii, quod ipse Jesus de se dixit, Joan. XIV, 30 .