EXPOSITIO TEXTUS.

B. Et partes, etc.

Partes, id est, spiritualia officia. Alia translatio, " partitiones : " virtutes, id est, gratias quae conferuntur ordinatis, ut sint potentes exercere actus suos officiis congruos, operationes quas exercent in suo officio, in teletis, consummationes quantum ad theorias teletarum : vel operationes quantum ad purgationem et illuminationem, consummationes quantum ad perfectionem. Commentator tamen dicit, quod " virtutes et operationes pro " eodem sumuntur : " sed primum melius est.

Et exponere superhas, id est, circa haec quae diximus, trinitatem ordinum superfirmantium, id est, tres ordines firmantes nos super alios secundum ministerium in istis. Alia translatio, " sub " ipsis trinitatem subjectorum orditi num : " secundum nos, id est, nostrae hierarchiae dispositio distinguens clare, id est, aperte, inordinatum, primo conferendo ei sacrum ordinem qui est sacra potestas, in quo differt ab idololatria, cujus Pontifices non distinguuntur a plebe per aliquam potestatem quam habent :

inornatum, conferendo ei ornamenta gratiarum, quod similiter non est in Pontificibus idolorum : commixtum, sciicet plebi distinguit a plebe, supercollocando eum aliis : sed tam ornatum replens divino lumine : iterum inordina-

tum ordinando : sed magis participare facit divinum lumen secundum quod in ipsum magis intenditur : inconfusum, contra hoc quod dixit commixtum, manifestans, etc, quia per diversas analogias ordinum innotescit dispositio.

2