EXPOSITIO TEXTUS.

Deinde dicit, quod inclinare utrumque genu vel pedem convenit sacerdotibus respectu diaconorum : sed non respectu sacerdotum, et in aliquid figuratur, quia inclinatio ipsa pedis, ut prius dictum est, significat subjectionem qua subjicit se Deo qui accedit ad sacerdotium, referens in ipsum sicut in auctorem hoc quod dignus est accedere ad tantum ordinem. Sunt autem sicut tres teletae sive virtutes, scilicet purgativa, illuminativa, et perfectiva, secundum ista tria tres orrficientium et tres perfectorum, ut scilicet patebit :: et quia diaconus secundum suum accessum facit tantum unum ordinem sanctorum accedere ad Deum, scilicet purgandos, ideo inclinat tantum unum pedem, sacerdos autem facit accedere suis accessibus purgandos et illuminandos, et ideo inclinat utrumque pedem : Episcopus autem super hoc ducit in perfectionem, et ideo inclinat utrumque pedem, et super hoc habet verba Dei super caput, in quibus

continetur tota perfectio nostrae hierarchiae.

Pedum, id est, utrorumque genuum : ministrativam dispositionem, id est, diaconatus ordinem : schemate, id est, figura implente, hoc, quia in figuram alicujus fit : alia translatio, " consummata, " scilicet inclinatio : referentis Deo per subjectionem et gratiarum actionem hoc quod divinitus, id est, divina virtute est accedens ad ipsum : alia translatio, " supponentis Deo hoc quod sancte est " adductum. " Sub divina juga , id est , sub divinas leges : sacrificant, id est, sacrefaciunt : apte, id est, decenter : unam accessionem, scilicet purgandorum : sunt enim tres ordines inferiores perficiendorum, pedis autem est facere accessionem.

Altare divinum, scilicet ipsum quod dictum est quod inclinat ante altare : a suis accessibus, id est, per suos accessus in Deum faciunt alios accedere purgando et illuminando : mundantibus quantam ad purgationem : sed et, id est, etiam a suis accessibus consummantibus in contemplativum, etc. quantum ad illuminationem : ministrativa virtute, id est, diaconatus, et sacrifica, id est, sacerdotali, ad scientiam, id est, spiritualem intellectum, sacrorum inspectorum ab ipsis, secundum illuminationem sacerdotum, secundum eos, id est, secundum proportionem eorum: oblationem, qua offeruntur Deo : alia translatio, " sanctificationem, : " per eam, scilicet scientiam.