EXPOSITIO TEXTUS.

Eum quidem, etc

DEINDE dicit: Quidem, id est, certe, postquam, audit hoc ab ipso, subito horror, id est, in momento, qui ex magnitudine phantasiae, et impossibilitas propter impotentiam hominis ad causanda ardua, circumstant eum, scilicet Christianum rogantem, amantem quidem sacre, id est, divino amore salutem illius, at vero, id est, sed eum dico, mensurantem, id est, comparantem altitudinem rei quam petit contra humanum, id est, humanam virtutem : et ideo quamvis incitetur ad consentiendum ex amore salutis, retrahitur quodammodo ex tali comparatione : tamen obedientibus eis, id est, consentientibus sibi baptizando, Episcopus perficit quod petitum est ab eo, et confessus est, id est, promisit se proficere deiformiter, id est, benigne ad similitudinem Dei. Alia translatio sic habet : " Postremo autem se facturus ta" men quod petitum est, benigne confite" tur : " et sic anadochus qui accipit eum in curam suam, ducit ad cognominatum hierarcham, id est, Episcopum.