DUBIUM.

1. Sed cum hoc melius possit fieri per praedicationem quam per cantum, videtur quod deberet potius praemitti praedicatio quam cantus.

2. Praeterea, Philosophus dicit, quod " doctrina moralis habet tantum virtu" tem persuasivam, et propter hoc non " sufficit ad bene operandum, sed oportet " superaddi leges quae habent virtutem " coactivam : " ergo deberent potius aliquae leges recitari, quam talis doctrina moralis.

3. Praeterea, Quaeritur quare tantum talis instructio inducitur?

4. Praeterea, Malitia non videtur corrumpere sed esse ipsa corruptio : quia cum sit privatio, non potest agere :

ergo male dixit, malitiae corrumpentis.

Et dicendum ad primum, quod praedicatio debetur eis qui longe sunt ut vocentur, qui non pertinent ad hoc sacramentum, sed. cantus illis qui intra sunt, quibus non est necessaria praedicatio nisi ad consolationem : et ideo potius sunt excitandi ad devotionem sacramenti per hujusmodi devotas lectiones et cantus, quam praedicandum sit eis.

Ad secundum dicendum, quod coactio diminuit rationem meriti, eo quod Deus quaerit in nobis voluntarium obsequium : et ideo convenientius ponuntur exhortationes quam coactivae leges, quamvis in civilibus oporteat sic fieri, quia legislator intendit, quocumque modo potest retrahere a vitiis, ut conservetur bonum commune.

Ad tertium dicendum, quod doctrina admiscetur cum cantu, ut non tantum veritas perveniat ad intellectum, sed ut cantus excitet affectum ad devotionem, sicut dicit Augustinus de se in libro Confessionum : " Voces illae influebant " auribus meis, et eliquabatur veritas in " cor, et fluebant lacrymae, et bene mihi " erat cum eis . "

Ad quartum dicendum, quod malitia non habet virtutem corrumpendi nisi ex bono in quo est : unde debet concretive intelligi malitia pro malo.

8