DIVISIO ET EXPOSITIO TEXTUS.

Verumtamen et de hoc, etc.

Deinde determinat dubitationem, et primo quantum ad baptismum, secundo quantum ad communionem, ibi (sig. 22), Tradit autem puerum, etc.

Circa primum duo facit. Primo ponit causam per quam solvitur dubitatio, et a quibus acceptata sit. Secundo concludit propositum, ibi, Nihil ergo, ut aestimo, etc.

Dicit ergo primo, quod in hac quaestione oportet nos dicere ea quae ab Angelis in nos devenerunt: dicunt enim, quod parvi nutriti secundum legem divinam quando veniunt ad perfectam aetatem, erunt liberi ab erroribus et peccatis, quia quod nova testa capit inveterata sapit : et hoc cogitantes Apostoli, placuit eis quodparvi recipiantur ad baptismum, cum etiam non sit facile inveteratum in alio

vinis meis institutionibus persuasurum, ut adversariis nuntium omnino remittat, et divina promissa profiteatur, et exsolvat. Nihil ergo, ut opinor, absurdum est, si ad divinum institutum puer adducitur, cum ducem ac sponsorem habeat qui eum et divinarum rerum scientia imbuat, et ab adversariis tutum custodiat.

ritu, perfecte legi nostrae se conformare, sicut illi qui a pueritia secundum illam enutriti sunt. Ita tamen voluerunt eos recipi, quod parentes carnales pueri tradant eum alicui erudito in fide Christi instruendum, sicut sub spirituali patre : et hic est patrinus pueri : et ideo summus sacerdos petit a patrino ut confiteatur fidem et abrenuntiet satanae, non ita quod ipse in persona sua loquens abrenuntiet loco pueri et confiteatur, sed confitetur, in persona pueri loquens, ita quod abrenuntiatio et confessio referatur ad puerum : dicit enim : " Abrenuntio," ac si diceret : " Puer iste abrenuntiat, " et promitto quod puer iste quando " veniet ad perfectum usum intellectus, " credet ea quae fidei sunt, et abrenuntia-" bit contrariis : " et ita non est inconveniens, si puer reducitur in divina participando sacramenta mediante patrino suo, qui debet instruere et custodire a contrariis, quando ad aetatem pervenerit.

Verumtamen, quasi dicat : Quamvis multa nos nesciamus, in hac tamen quaestione possumus dicere quod ab aliis accepimus. Perfectores, id est, Apostoli, ab antiqua traditione, id est, per doctrinam Christi qui dixit, Matth.XIX 14 : Sinite parvulos venire ad me : et a veteri lege, in qua pueri circumcidebantur et offerebantur. Ducti, id est, nutriti. Ducibus, id esV Apostolis, in animum, id est, in cognitionem et desiderium, probaverunt, id

est, approbaverunt : adducendi, scilicet ad baptismum, cuidam bono viro de numero eruditorum in fide Christi, pedagogo in divina, id est, qui ad modum pedagogi eum in divinis instruat, et tradant puerum perfici, id est, instrui sub ipso, divinissimo, id est, spirituali, anadocho, id est, sursum ductore, id est, patrino.

Hunc, scilicet patrinum, confitentem, id est, promittentem, repetit, id est, pluries petit : illi, scilicet infideles : ait, non in persona sua loquens, sed in persona pueri : venientem in sacrum sen-sum, id est, in aetatem in qua sacro intellectu secundum fidem uti possit : anagogis, id est, doctrinis quibus sursum ducetur : contrariis, scilicet erroribus et peccatis : cooperari,scilicet simul credendo, secundum ea cooperari.

Inconsequens, id est, inconveniens, aestimo, propter imperfectam expositionem : educatur, id est, nutritur : anagogen, id est, secundum vitam et doctrinam sursum ducentem : insinuantem, id est, antecedentem vel docentem : habitum, id est, scientiam secundum fidem : per itum , id est, instructum.

22