EXPOSITIO TEXTUS.

Harum alii, etc.

Hic assignat theoriam eorum qui excluduntur a communione, et primo exponit exclusionem quorumdam. Secundo dicit quid peragatur a remanentibus ante consecrationem, ibi (sig. 18), Sanctissimi tunc sanctissimorum, etc.

Circa primum, primo ponit exclusionem eorum in communi. Secundo, in particulari, ibi (sig. 15), Ultimum igitur, etc.

Item, promo ponit exclusionem, secundo exclusionis rationem, ibi, Est enim deiformis.

Dicatur ergo quod quidam qui omnino renuunt doctrinam baptismi, et praedicationem recipiunt, ad nihil admittuntur, nec etiam ad videndum symbola sacrorum: sed alii qui intendunt, sunt ta- men imperfecti, non excluduntur a psalmis et lectionibus, sed tantum a sacrificiis et contemplationibus symbolorum, quae eis non reserantur tamquam adhuc non capacibus, sed solis perfectis. Universaliter non circumtubicinantes, id est, nullo modo concinentes aliis, nec cantando Psalmos, nec dicendo Amen, tamquam non audientes et omnino non instructi, et hi sunt infideles, impudenter, id est, sine reverentia ad divina negantes salutarem doctrinam divinae generationis , id est, baptismi, eloquiis, id est, praedicationibus quibus vocantur ad fidem, perdite, id est, ad suam perditionem, respondentes , vias tuas scire nolumus : Job, XXI, 14: Recede anobis, et scientiam viarum tuarum nolumus . Catechumenos qui sunt instructi in rudimentis fidei, energumenos, in quibus per exorcismos repressa est vis daemonis, quae erat in fomite, et eos qui sunt in paenitentia, scilicet solemni, sanctae hierarchiae leae, etc.

Iterumque deinde dictis Psalmis et lectionibus non vocat tales ad sacrificationes, etc. Planum est. Ratio autem exclusionis quam subjungit, est, quod nostra hierarchia distribuit divina secundum proportionem uniuscujusque, et ideo nondum perfectos excludit a perfectissimis, compactam, id est, convenientem secundum tempus, scilicet perfectionis vel imperfectionis, id est, secundum exigentiam temporis.

15

A. Ultimus igitur catechumenis distribuitur ordo : sunt enim expertes et indocti omnis hierarchicae perfectionis,

B. Neque juxta divinam comprobationem, divinam habentes subsistentiam, sed adhuc paternis eloquiis obstetricati, et adhuc talibus formis informati ad eam ex divina generatione primo vitalem et post illuminantem et beatam accessionem, tamquam imperfecti et informes projecti, secundum carnem infantes propriaobstetricatione, velut obcaecati et. abortivi, non genitalem, et non vitalem, et non illuminatum in terra casum habebunt. Et nonne quidam sapientium bene dicit, ad manifestum respiciens lumen, eos praegravari tenebris a vulva alienatos ? Dicet enim fortassis corporum disciplina ad hos, quae est medicina, lumen operari in capacibus lucis. Sic

Ac postremus quidem ordo catechumenis tributus est, quod exsortes sint et ignari omnis hierarchicae perfectionis, neque dum per divinam nativitatem divinum statum assecuti, paternis adhuc eloquiis foveantur, vivificisque formis ad beatum illum, qui ex divina generatione proficiscitur, vitae lucisque principem progressum efformentur. Quemadmodum itaque carnales liberi, si imperfecti et informes, obstetricis cura destituti, ante tempus excidant, ut abortivi et abortus, nativitatis ac vitae lucisque exsortem in terram lapsum habituri sunt : neque quisquam qui recte judicabit id quod apparet intuendo, dixerit in lucem ipsos esse editos, quod sint ab alvi tenebris liberati (dicet enim medicina, perita corporum praeses, lucem vim suam egerere in illa quae lucis sunt capacia) ; sic sacrorum sapiens disciplina primum quidem ipsos introductorio formandi et vivificandi vim habentium et sacrorum sapientissima disciplina, primo quidem eos formativorum et vivificativorum eloquiorum introductio alimento obstetricat : perficiens autem ante divina generatione eorum substantiam, dat salutariter eis in ordine adlumen deiformemet perfectivam communionem. Nunc autem tamquam ab imperfectis separat perfecta, et bono ornatui sacrorum providens, et catechumenorum in deiformi hierarchicorum ordine obstetricationi et vitae.