DIVISIO ET EXPOSITIO TEXTUS.

Dictum est igitur a nobis sacre quomodo ipsa est, etc.

In superiori capite determinatum est de Ecclesiastica hierarchia in communi in comparatione ad suum principium, et per differentiam a caelesti. Hic incipit determinare de spiritualibus operationibus, hierarchiae : et, sicut dictum est supra, non est intentio ejus in hoc libro determinare de sacramentis omnibus, sed tantum de his in quibus tota virtus est ex operatione hierarchiae. Operatio autem hierarcharum vel ministrorum Ecclesiae est vel circa intrantes, vel circa exeuntes, vel circa progredientes : et secundum haec hoc opus dividitur in partes tres.

In prima parte determinat de baptismo secundum quod est operatio hierarchiae circa intrantes. In secunda de operationibus hierarchicis quae sunt circa progredientes, in tertio capite, ibi scilicet (g 1 cap. III), Sed euge, quoniam ejus commemoratio quaedam erat, etc. In tertia determinat de operationibus hierarchicis quae sunt circa exeuntes, scilicet mortuos (cap. VII), ibi scilicet, His autem diffinitis, necessarium est, etc.

Prima pars dividitur in tres partes. In prima determinat utilitatem baptismi,

determinando ea quae perficiuntur circa nos in baptismo : et ideo intitulatur de perficiendis in baptismate. In secunda determinat ritum baptismi qui erat in primitiva Ecclesia, ibi (g 3), Summus quidem sacerdos, etc, et intitulatur mysterium baptismatis, eo quod determinat figuras visibiles quibus spiritualia occultantur. In tertia exponit significationem ritus, ibi (sig. 8), Haec quidem est quantum ad symbolum, et est titulus ejus, theoria, id est, speculatio, quia ex sensibilibus ducit in spiritualium cognitionum contemplationem.

Prima dividitur in tres. In prima, ut continuet se ad praecedentia, ostendit quibus perficitur nostra hierarchia. In secunda ostendit specialiter quae perficiantur in. baptismo, ibi (sig. 1), Hujus autem ut divina docent, etc Tertio probat per auctoritatem, ibi (sig. 1), Servabit enim, inquit, etc.

Littera sic exponitur : Hoc opus et alia tradidi tibi. Igitur dictum est tibi a nobis, in capite tertio Caelestis hierarchiae, sacre, id est, non transeundo limites sacrae Scripturae, vel confirmando auctoritatibus, quomodo ipsa interpretatio, id est, diffinitio vel intentio (in Graeco enim habetur AdminBookmark , quod est intentio) hierarchiae secundum nos, id est, nostrae, id est, secundum nostram aestimationem, unde et in Caelesti hierarchia dicit " secundum me ", est haec, scilicet nostra et similitudo qua quiescamus, et unitas, quantum ad id in quo quiescimus, ad Deum, quantum licet, id est, possibile est nobis, quod non omnino.

Autem id est,sed nos specialiter perfici-mur in divina similitudine, jucunde, id est, ex hoc materiam gaudii habentes, dilectionibus et sacris actionibus piissimorum, secundum quod pietas refertur ad cultum Dei,mandatorum hujus,id est,nostrae hierarchiae, ut docent divina eloquia. Enim, id est, quia Dominus inquit, Joan.XIV, 23 : Diligens me, servabit verbum meum, et Pater meus diliget eum, et ad eumveniemus et mansionem apud eum faciemus.