BALTH. CORDERII, S. J. INTERPRETATIO.

III. Contemplatio.

Haec quidem si adspexerint profani, vel a nobis fieri inaudiverint, profusa, ut existimo, ridebunt, et erroris nostri ipsos miserebitur. Verum non est quod hoc miremur : nisi enim crediderint, juxta Scripturam, non intelligent. Nos interim, intelligentiis eorum quae geruntur perceptis, praevio duce Jesu dicamus, non abs re praesulem, eum qui summus sacerdos in aeque ordinatum chorum introducit et imponit dormientem : signat enim mirabiliter secundum illos fore omnes in ipsa iterum generatione recubitus puram hic propriam vitam implentes. Utpote, si deiformem quis habuit hic et sacratissimam vitam, quantum viro Dei imitatio comprehensibilis est, in divinis erit per saeculum futurum, et beatis quietibus : ipsi autem per formae summam si subsistentiam sacram similiter, conformes et ipse sanctis recipiet retributiones. Pro hac divina justitia summus sacerdos gratias agens, orationem sacram facit, et colendam laudat divinitatem, tamquam destructivam contra omnes nos injustae et tyrannicae potentiae, transducentemque nos in proprias justificationes.