DIVISIO ET EXPOSITIO TEXTUS.

A. Fer eia reliquum, etc.

Determinata theoria hujus teletae in genere, hic incipit ponere ejus theoriam in specie, descendendo ad particulares ejus operationes.

Et dividitur in partes duas. In prima parte ex ipso ritu Chrismatis ostendit, quod ejus theoria et perfectis et sacerdotalibus viris est inquirenda. In secunda incipit exponere significationem propositi ritus, ibi (sig. 5), Propter quod ei hanc, etc.

Circa primum duo facit. Primo continuat se ad praecedentia dicens de quo est intentio. Secundo ostendit, quod de hoc considerandum sit, ibi, Neque enim manifestat, etc.

Dicit ergo primo, quod quia contemplati sumus pulchritudinem exteriorem ritus Chrismatis, restat respicere per

dines subditorum pro capacitate sua ad res sacras promoventur.

Est Igitur, ut dixi, sacrosanctum hoc, quod a nobis modo laudatur mysterium, ejus ordinis atque virtutis, ut hierarchicas consummet iunctiones.

contemplationem in diviniorem ejus pulchritudinem, quae scilicet significatur per Fer reliquum, etc, id est, da quod restat, exterius, id est, in symbolis, totius bonae actionis : totius bonae, eo quod ejus usus est fere in omnibus aliis, ut prius dixit, actionis, scilicet con secrationis Chrismatis, etc.

Formam, id est, pulchritudinem spiritualem, ipsam scilicet formam in seipsa revelatam, id est, revelando eam. in se, quia in se est manifesta, contemplantes velamina, alia translatio, " ve- " tantibus. " Et ponit sex conditiones ipsius formae quae est terminus contemplationis : cum enim contemplatio reficiens animam sit ad verum et bonum, potest accipi proprietas, vel secundum verum, vel secundum bonum, vel secundum modum accipiendi utrumque. Si quantum ad bonum in se, sic est beata, scilicet secundum hoc quod est objectum beatitudinis, aut quantum, ad sequelam divinae bonitatis, quae manifestat ipsam : et sic est replens intellectuali redolentia, odor enim corporalis est sequela complexionis et signum ejus. Si vero quantum ad verum, aut simpliciter, et sic est splendens, verum enim est quod splendet in anima : aut in quantum est primum verum, et sic dicitur manifeste clara, quia per se et non ab alio. Aut quantum ad modum participandi, qui est in prima, et sic est non velate quia sine symbolis recipiunt. Alia trans-

latio : " Beatam resplendere facientem " a seipsa claritatem, et non velate ili" tellectualibus bono odore nos adim-" plentem. " Neque enim manifesta, etc. Hic ostendit ex ipso ritu Chrismatis, quod inspiciendum sit a perfectis in spiritualem formam quae significatur, licet non ab omnibus.

Dicit ergo, quod non est invisibilis ab his qui sunt circa sacerdotes, sed ab his videtur, et celatur popularibus : et hoc ideo quia divinus radius spiritualium contemplationum divinis viris lucet sine velamine, et ab eis occultatur velaminibus symbolorum minoribus, qui non possunt nisi in symbolis videre, ut proportionaliter sibi ipsis reducantur in divinum radium : et inde concludit, quod a nobis qui sumus ingradu ,divinorum, est inspicienda spiritualis forma hujus teletae.

Neque, id est, et non operatio myri, id est, Chrismatis, perfecta in quantum dat perfectionem in aliis sacramentis, manifesta in se, vel divinis viris, non est incommunicabilis aut invisibilis his, scilicet ministris, qui circa, etc.

Perveniens a summo sacerdote usque ad eos, quod descendit in barbam et in oram vestimenti , statuens, id est, firmans contemplationem sui in eis super multos, id est, populares, distinguitur , id est, separatur ex multitudine, id est, a conspectu multitudinis.

Divinis enim viris radius sacratissimorum, id est, spiritualium contemplationum, tamquam cognationi, id. est, sicut cognatis sibi, in quantum sunt luciformes facti, luce scilicet divina (qui lucem habitat inaccessabilem ) pure, id est, sine admixtione symbolorum, et immediate, quia sunt supremi in nostra hierarchia, etc.

Incircumvelate, id est, sine velamine.