BALTH. CORDERII, S. J. INTERPRETATIO,

Verumtamen hac de re id quoque dicimus, quod deiformes praeceptores nostri ab antiqua traditione acceptum nobis transcripserunt. Aiunt enim, quod et verum est, infantes, si in lege sacra instituantur, ad sanctum animi statum perventuros esse omni errore liberos, et sine ullo Impurae vitae periculo. Hoc enim cum in mentem venisset divinis nostris institutoribus, placuit admitti pueros hoc sancto modo, ut oblati parvuli parentes naturales filium uni ex fidelibus tradant, qui praeclare in divinis rebus puerum erudiat, sub cujus deinceps cura sit, tamquam sub Patre divino, sanctaeque salutis susceptore. Hunc itaque antistes, sancte promittentem se puerum ad sanctam vitam informaturum, jubet profiteri abrenuntiationes sacrasque professiones ; non enim, ut illi subsannatores alunt, alium pro alio rebus divinis imbuit ; neque enim sponsor dicit : Ego pro puero abrenuntiationes facio, sacrasve professiones, sed hoc modo puerum asserit abrenuntiare ac profiteri ; ac si dicat: Profiteor me huic puero, cum per aetatem Intelligere sacra poterit, di.

" saliter contrariis, confiteri autem et " cooperari divinas confessiones. " Nihil ergo, ut aestimo, inconsequens, si secundum divinam puer anagogen educatur, ducem anadochum sacrum habens, habitum sibi divinorum insinuantem, et custodem a contrariis peritum.