EXPOSITIO TEXTUS.

Sacerdotum autem, etc.

Hic ostendit virtutem sacerdotalis ordinis, dicens quod ordo sacerdotum est illuminativus, quia ducit perficiendos ad inspicienda ea quae pertinent ad ritum sacrorum, quantum ad scientiam, et

sua celebrat officia, atque in iis quidem quae facit divina opera sanctissimis signis et sacramentis ostendit, spectatoresque eos qui accedunt efficit, et in sanctorum mysteriorum societatem communionemque admittit, sed ad pontificem remittit eos qui disciplinam expetunt mysteriorum quae viderunt.

quantum ad sacram actionem, et hoc agit sub ordine Episcoporum, et ostendit in symbolis divinas actiones, in quantum facit venientes, ut perficiantur, contemplari symbola et communicare eis : sed doctrinam de spirituali intellectu qui significatur per symbola, reservat Episcopo.

Lucidus, id est, illuminativus : alia littera, " luciducus " : inspectiones hostiarum, quia ostendit symbola : perfectos, alia translatio, " perficiendos " : pontificalium, alia translatio, " pontifici cum " : sacrificans, id est, sacre faciens : deificas, id est, divinas actiones : advenientes, alia translatio, " progre- " dientes " : scientiam, id est, spiritualem intellectum, sacrificationum, id est, rituum, desiderantes, scilicet perficientes ad hoc tendentes.

17