expositio textus.

G. Ipsis autem descrihentibus, etc.

Deinde dicit: Ipsis autem, scilicet sacerdotibus, describentibus virum utrumque, Episcopus facit aliquam sacram orationem, quinto, et sic omni Ecclesia faciente, habeat orationem dicendo " Amen ", subintroducti quidem Episcopus eum, scilicet baptizandum ad se, et sexto per ministros, id est, diaconos exuit eum superioribus Vestibus.

Deinde septimo Episcopus statuens eum, scilicet baptizandum in occiditis, id est, in occidentali parte templi, eum, dico, intentum ad intelligendum quod fit ei, et erigentem, id est, excedentem manus conversas ad ipsam regionem, scilicet occidentalem, a qua veniunt te-

nebrae, per quas significantur spirituales tenebrae, jubet quidem ipsi baptizando Episcopus exsufflare ier satana, id est, diabolo : et sumitur indeclinabiliter satana hic : in quo significatur expulsio omnis diabolicae operationis, per hoc quod flatus expellitur : ei jubet adhuc eum confiteri ea quae sunt abrenuntiationis, ut cum dicitur, " Abrenuntias sata-" nae et omnibus pompis ejus ? " Et sic ter contestans ei Episcopus abrenuntiationem, confitentem, dicendo, ". Abrenuntio, " ier hoc transducit octavo ad Orientem, id est, orientalem partem templi, unde venit lumen, significans spirituale lumen quod est a Christo : et sic jubet eum respicientem et manus extendentem ad caelum coordinari, id est, paciscendo se tradere Christo et omnibus sacris eloquiis traditis a Deo ad observandum ea.

Eo vero, scilicet baptizando, et, id est, etiam hoc faciente, iterum Episcopus testatur ei ter confessionem, Id est, ut confiteatur se observatorum, et iterum ipso ter confitente, Episcopus orans benedicit eum aliqua oratione, et imponit ei manum : qui jam recipiens eum ad baptismum (et hoc est decimum) et ad summum, id est, ad ultimum (undecimo) ministris, id est, diaconibus ex toto jam exuentibus eum, scilicet baptizandum,sa-cerdotes quidem afferunt sacrum oleum unctionis, id est, sanctum ad differentiam olei Infirmorum. Ipse autem, scilicet Episcopus, incipiens unctionem per signationem ter, id est, tria signa crucis cum oleo faciens supra baptizandum, tradens sacerdotibus ungere caeterum virum, id est, residuam viri partem, Id est, toto corpore, ipse Episcopus venit ad matrem filialitatis, id est, aquam in qua fit spiritualis generatio.