DIVISIO ET EXPOSITIO TEXTUS.

Igitur ad divinum altare, etc.

Hic incipit ponere dictorum theoriam,

et primo communium, secundo propriorum, ibi (sig. 28), Summus alitem sacerdos, etc.

Prima dividitur in quinque partes. Primo enim ostendit quid significat genuflexio coram altari.Secundo, quid impositio manus Episcopi, ibi (sig. 23), Ilierarchicae autem, etc. Tertio, quid signum crucis, ibi (g 24), Cruciforme, etc. Quarto, quid recitatio, ibi (sig. 25), Sacram vero consummationem, etc. Quinto, quid osculatio, ibi (sig. 27), Ipsa autem ad finem, etc.

spiritalem integritatem omnino puram purgatamque atque uniformem offerendam esse, ut, quantum fieri potest, digna sit divino templo et altari ejus, qui sanctiori ratione deiformes mentes consecrat.

Dieit ergo primo, quod accessus et genuflexio ante altare significat quod ordinandus in quolibet ordine debet supponere vitam suam Deo, et intellectus suus ex toto depuratus et oblatus Deo, debet attendere ad Deum qui significatur per altare, ut dictum est supra, sicut conformis et dignus participatione ejus.

Insinuat, id est, ostendit Deo principi consummationis, id est, principio, universaliter, id est, ex toto, et significat suam, id est, consecrandi, universalitatem intellectualem castissimam, id est, totum intellectum ejus ex toto castigatum ab erroribus et peccatis : oblatam ipsi, scilicet Deo, accedere ad Deum : hunc, dico, et conformem existentem, ut possibile est, dignam divino et sanctissimo, et sacerdotali, id est, sacra danti, altari, scilicet Christo, ordinando offerente Deo patri deiformes intellectus, et sui et aliorum in altari, quod est Christus: sicut offert symbolicas oblationes in materiali. Alia translatio, " Et sanctuario et " altari, sanctificante sancte deiformes " mentes, " et secundum hoc planior est littera, quia sanctificatio mentium refertur ad altare, quod est Christus.

23

Hierarchicae autem manus impositio similiter quidem manifestat perfectivam principalem protectionem, sub qua tamquam disciplinis sancti custodiuntur, paterne quidem ipsis habitum et virtutem sanctificativam donantem, contrarias vero eis virtutes segregantem : docet autem et omnes simul perficere sanctificativas operationes, tamquam sub Deo agentes perfectos et propriarum operationum eum habentes in omnibus ducem.

Pontificis autem manus impositio designat hierarchicam protectionem, qua, tamquam sanctos filios, paterno affectu fovet, et statum virtutemque sacri ordinis impertitur, adversariasque potestates procul ab illis abigit : simulque docet, sic consecratos obire sacras omnes ordinis functiones, tamquam qui sub Deo illas obeant, quem in omni re suarum actionum ducem habent.