DIVISIO ET EXPOSITIO TEXTUS.

Sanctissimi tunc etc.

Hic ponit ea quae aguntur a remanentibus, ante consecrationem : et primo id quod peragitur ab omnibus, scilicet decantatio symboli. Secundo, id quod peragitur ab his tantum qui assistunt altari, ibi (sig. 19), Sic autem divina, etc.

Dicit ergo primo, quod exeuntibus his, quorum mentio facta est, remanent perfecti qui vel debeant sacrificare, vel ex symbolis in contemplationem spiritualem venire desiderant : unde digne inspiciunt hoc sacramentum non sistentes

plectatur : videtur enim laudatarum omnium divinarum operationum ratio nobis exstitisse, cum substantiam vitamque nostram benefice sustentando, ac primitivis pulchritudinibus deiformem nostri portionem efformando, atque ad divinioris habitus et anagoges, qua sursum elevemur, partem admittendo ; tum provide curando, ut ex ingenita nobis per nostram ignaviam munerum orbitate divinorum, propositis muneribus in pristinum statum revocemur, perfectaque rerum nostratium assumptione, suarum nos participes efficiat, eaque ratione Dei nobis divinarumque rerum communionem largiatur.

in sensibilibus, et tales incipiunt laudare Deum dicentes eum datorem omnis boni decantando symbolum Catholicae fidei : et hoc tunc temporis vocabatur a quibusdam hymnologia, quia erat sermo divinae laudis, a quibusdam vero symbolum religionis, id est, fidei, eo quod continet articulos fidei : verum dignius vocatur gratiarum actio, eo quod continet in se omnes actiones divinas pervenientes in nos, quas laudare debemus cum gratiarum actione. In eo enim dicitur quomodo nostram essentiam et vitam insitituit ad similitudinem suam per creationem, et restituit per redemptionem : etenim ponuntur in eo acta passionis et operationes Christi, quibus renovamur in participatione divinae similitudinis, et segregatur quod ex negligentia nobis ingenitum est, et quomodo Christus per hoc revocat nos in. antiquam innocentiam, et assumendo ad se facit nos participes Dei et donorum ejus : et ideo congrue dicitur in consecratione hujus sacramenti, per quod haec omnia beneficia participamus.

Sanctissimi, id est, qui sunt immaculati tunc, id est, post exclusionem praedictorum, sacrificatores sanctissimorum, id est, sacrorum, amatores contemplationis, id est, quaerentes ex symbolis spirituales contemplationes, hymnologia,id est, sermone laudis, est enim hymus " laus Dei cum. cantico, " Catholica , id est, universali, eo quod continet Catholicam fidem, principium largiens, id. est, largitivum honorum, scilicet Deum a quo sunt revelatae teletae, etc. Eucharistiam hierarchicam, id est, gratiarum actionem nostrae hierarchiae.

Videtur enim mihi actionem laudandorum omnium divinorum operum, quae sunt circa nos, fieri, id est, memorari in symbolo, eo quod in eo dicitur creatio et reparatio quae est per Incarnationem et omnia quae de Christo dicuntur : vel quia in hoc sacramento sumus participes omnium divinorum operum circa nos : et ideo congrue cantatur in hoc sacramento id quod continet omnia divina beneficia.

Substituens essentiam nostram deiformiter, id est, ad. similitudinem Dei per creationem, id est, substitui recitans quantum ad primam expositionem : vel quia hoc sacramentum in nobis operatur diviniformem vitam quantum ad secundam : et sic totum sequens dupliciter potest exponi, vel quia referatur ad symbolum, vel ad sacramentum.

Principalibus exemplis, id est, actionibus Christi qui est caput nostrum quantum ad primam expositionem, vel symbolis, quae decent principale sacramentum quantum ad secundam.

Solitudinem, id est, peccatum quod animam nostram sterilem et desertam a Deo facit. Alia translatio " desertum " : ex negligentia propria ingenitam, id est, inter nos genitam, quae segregatur per sacramentum vel per operationes Christi, quae recitantur in symbolo : in antiquum, id est, statum innocentiae, perfectissima assumptione nostrorum, id est, secundum quod perfecte nos ad se assumit per communionem, vel secundum quod naturam nostram perfecte assumpsit per Incarnationem : assumendo enim eam communicavit nobis sua, scilicet ut societatem habeamus Dei quantum ad subsistentiam ejus, et divinorum quantum ad dona. Vel potest aliter exponi, quod intendit tangere ea quae dicuntur in symbolo Apostolorum, eo quod ex eis circa nos aliqua divina beneficia consequuntur : hoc enim quod dicit, essentiam quidem nostram, etc. refertur, ad id quod in symbolo dicitur, " Creatorem caeli et terrae. " Quod vero sequitur, Principibus, etc, ad id quod in symbolo sequitur, " Et in " Jesum Christum, " quae de Christo dicuntur, ut dictum est. Quod vero sequitur, divinioris habitus, etc, ad id quod sequitur, " Credo in Spiritum sanctum, " qui datur nobis ad nostram renovationem in habitu gratiae gratum facientis. Hoc quod sequitur, segregans etc, ad id quod dicitur, " Peccatorum remissionem. " Quod sequitur, divinorum, etc, ad id quod dicitur, " Sanctorum communionem, etc. " Quod sequitur, in antiquum revocat, etc, ad id quod dicitur, " Carnis resurrectionem, " quo in vitam et immortalitatem reparamur. Hoc quod sequitur, perfectissimam, etc, ad hoc quod dicitur, " Vitam aeternam, " quam Filius Dei nobis dedit de proprio, accipiens carnem de nostro.

19