DIVISIO ET EXPOSITIO TEXTUS.

Sic autem divina, etc.

Hic ponit ea. quae a ministris altaris ante consecreationem perficiuntur : et primo ponit ritum. Secundo theoriam, ibi, Non enim unum, etc.

Dicit ergo primo, quod postquam Deus laudatus est per Symboli decantationem, ponitur panis consecrandus occultatus super altare, et similiter calix : et tunc datur pax, et postea recitatur ad imitationem aliquid de eis qui bene mortui sunt in Christo, ex sacra Scriptura,humanitate, id est, benignitate, salutatio, id. est, occultatio.

Non enim, etc. Hic ostendit theoriam eorum : et primo pacis. Secundo recitationis mortuorum, ibi, Sacrarum autem , etc. De osculatione pacis infra dicet.

Dicit ergo primo, quod divisos ab invicem non contingit congregari in unum, et etiam quod congregatur ad unum, non cadit in concupiscentias quibus dividitur a se et ab aliis suae speciei : et ideo pax quae datur, significat quod oportet recipientes sacramentum unionis, pacem habere ad invicem, ut simili, scilicet in pacificatis, recipiatur simile, scilicet sacramentum pacis, quod est Eucharistia. Non enim, in Graeco : " non est unum : " et ubi habemus pacificatos, habet divisos : et sic planum est, quod haec littera sic debet legi : Non unum, id est, nullus, est, id est, contingit, congregare ad unum et participare unius, id est, quod est in uno Christo, non pacificatos ad seipsos : et si ibi non sit non, primum debet resumi super totum.

Rescindimur, id est, cogimur sicut separati ab invicem, adversus aequiforme secundum, naturam, id est, contra aequitatem veritatis, quae est connaturalis rationi nostrae: vel secundum Commentatorem, aequiforme secundum naturam, id est, quod est ejusdem speciei nobiscum.

Collocans simile simili, id est, sacramentum pacis in pacificatis. Alia, translatio, " confirmans : " separans a partitis, id est, divisis ab invicem, spectacula, id est, visiones sacramentorum, divina, id est, quae continent Deum, et unita, quia nos uniunt. Alia translatio, " divinas et unitivas visiones. "

20