DIVISIO ET EXPOSITIO TEXTUS.

Ministrantium vero, etc.

A. Hic determinat de ordine diaconorum : et dividitur in partes duas. In prima ostendit virtutem hujus ordinis. In secunda colligit ea quae dixerat de tribus ordinibus, ibi, Ostensum est igitur, etc.

Circa primum tria facit. Primo ostendit, quod ordo diaconi est purgativae et discretivae virtutis. Secundo ostendit hoc ex officio ejus in nova lege, ibi, In sancta theogenesia, etc. Tertio ostendit idem ex officio eorum in veteri lege, ibi, Propter quod et sanctis, etc.

Dicit ergo primo, quod ordo diaconi habet purgare perficiendos, et discernere mundos ab immundis, ut ipsi depurati ab his quae contrariantur sanctitati, scilicet peccatis et erroribus, priusquam perveniant ad sanctificationes quae fiunt per sacerdotes, sint apti ad. inspiciendum sacramenta et participandum ea.

dis illustrationibus esse expiandum, quandoquidem ad adspectum communionemque sacrorum introducendi munus expiatoriis virtutibus sit commissum, a quibus alii, qui ab omni macula mundati sunt, intromittantur.

Ministrantium, id est, diaconorum, quia diaconus interpretatur minister: discretivus dissimilium, id est, immundorum, separat enim eos sua voce ab aliis, ut dictum est supra : sanctificationes sacerdotum, id est, quae per sacerdotum ministerium fiunt, ut baptismus et communio : accessionem, alia translatio habet, " accessum " : a contrariis, scilicet sanctitati, sacrificant, id est, symbolorum sacrum facientium, inspectionem et communicationem.

B. Deinde dicit, quod propter hoc sunt purgativae virtutis ex hoc quod baptizandum et exutum ducunt ad Occidentem, ut abrenuntiet tenebrosis virtutibus, et postea reducunt ad Orientem : per hoc enim ostenditur eorum purgativa virtus, quia per hoc docent baptizandum deponere habitum et opus peccati quantum ad intentionem, et tenebras priores per renuntiationem ad Occidentem, et quod transit ordinandus de tenebris ad lucem, per hoc quod ducunt eum ad Orientem, unde venit lux.

Inde, scilicet quia sunt purgativae virtutis, in theogenesia, id est, baptismo, ministri, id est, diaconi : absolutum, id est, denudatum, prioris vitae, scilicet peccati : tenebrosum, id est, tenebras : ministrativa dispostio, id est, ordo diaconatus : manifestissimus propter manifestum effectum, et judicans, id est, discernens, alia translatio, " purgans ",

inflammans in divino amore, quia ignis est purgare : separans adhuc immundos a sacerdotibus, id est, eorum sacrificationibus : inconfuse, id est, ut non permisceantur mundi immundis, quando clamat : " Si quis non communicat, " exeat. "

C. Deinde dicit, quod ideo etiam in veteri lege ponebantur levitae ab observandas portas templi, ut ostenderetur quod introeuntes ad sacra videnda et communicanda debent esse purgati : propter quod traduntur purgandi leviticis, qui habent purgativas virtutes, ut per eas purgati recipiantur ad sacra inspicienda.

Eam, scilicet ministratoriam dispositionem levitarum : legislatio, id est, vetus lex, Num. III, .5 et seq., et Eze. xliv, 10. et seq.

- Insinuans, id est, ostendens, introitum provenientium ad sacra esse debere in purgationibus perfectissimis, id est, secundum perfectam purgationem, et tradens accessum ad sanctas inspectiones eorum, id est, sacrorum, id est, accedentes, virtutibus, scilicet diaconi, et per eas, scilicet virtutes, impolluto, id est, purgatos, eos, scilicet accedentes.

18

Ostensus est igitur a nobis pontificum quidem ordo consummativus et perfectivus, sacerdotum autem illuminativus et luciducus, ministrantium vero purgativus et discretivus, scilicet hierarchico ordine non perficere tantum, sed illuminare simul et mundare cognoscentes, et sacerdotum virtute habente in seipsa cum illuminativa et purgativam scientiam.

Demonstratum est igitur pontificum quidem ordinem perficiendi vim habere, ac reipsa perficere ; sacerdotum autem illuminandi vim habere, atque illuminare ; ministrorum vero expiandi ac discernendi facultatem obtinere. Siquidem ordo pontificius non perficiendi tantum, sed et illuminandi simul atque expiandi vim habet ; ac potestas sacerdotum, praeter illuminandi facultatem,expiandi quoque continet scientiam :