EXPOSITIO TEXTUS.

Deinde dicit, quod illi qui coinquinantur maculis peccati, quamvis sunt consecuti sacram doctrinam, habentes fidem informem, quia tamen resistunt doctrinae sanctae, dantes se concupiscentiis carnis, quando veniunt ad mortem, inveniuntur non praeparati ad beatam vitam : et ideo sacra doctrina in contemptum eorum docet, quod post mortem condemnabunt vitam suam praeteritam, et laudabunt vitam sanctorum, a qua stulte recesserunt, et sic torquebuntur dolore interiori, non

habentes spem ulterius perveniendi ad vitam sanctorum, propter vitam praeteritam ab eis male peractam.

Maculis, scilicet peccatorum, doctrinam, scilicet fidem informem, exproprio animo, id est, proprium motum sequentes, perdite, id est, ad suam perditionem, repercutientes, eo quod bona doctrina, quantum in se est, ad bonum, cui mali resistunt, non usi sunt: corrumpentes virtutem et bonum naturae, vel errantes, ad finem, scilicet mortis, huic vitae quam consequuntur, eloquiorum. Sap. v, 8 : Quid nobis pro fuit superbia ? etc.

Perditas, id est, perditionis causas, aliis oculis, non secundum substantiam, sed secundum affectum, quia quod prius cum gaudio et amore viderunt, postmodum tristitiae causa eis erit, a qua stulte, etc.

Deificantes, id est, glorificantes : alia littera, " beatificantes ," rescinduntur contra seipsos pugnando, coactive propter impossibilitatem bene operandi, ex hac vita, in qua vivunt damnati, pessimam vitam quam in hoc mundo egerunt.

5