EXPOSITIO TEXTUS.

A. aestimo autem ego, etc.

Hic determinat exclusionem apostatarum.

Dicit ergo, quod ante energumenos in immunditia judicantur illi qui recedunt a sancta vita et consentiunt daemonibus similes in conversatione eis effici, quia respuunt aeternas delectationes, et convertunt se per desiderium et opus ad fabulas peccati : et ideo isti primo et postea energumeni excluduntur per vocem diaconi, qui clamat : " Qui non commu-" nicant, recedant, " quod erat in primitiva Ecclesia et etiam temporibus Gregorii, ut dicit in Dialogo, quia non est dignum ut de sacris aliud participent nisi monita salutis, per quae convertantur. Et hoc probat a minori : quia si paenitentes excluduntur, multo magis et apostatae. Unde post vocem diaconi primo exeunt catechumeni, secundo apostatae, tertio energumeni, et post haec paenitentes qui nondum sunt purgati per amorem divinum a peccato, et demum exeunt illi qui non ex toto perfecti sunt in via Domini, quia solis perfectis permittitur communicare, ut dictum est.

Existimo quantum ad cognitionem humanam, et aperte scio divino habitu, purissima discretio hierarchica novit, id est, approbat perpolltutissimam, id est, valde pollutam operationem, ut supra, cnergumentum pro talibus, id est, quando tales quicumque discedunt, etc.

Avertentes, id est, respicientes vel deserentes divina dona, quae sunt vere existentia, quia nihil imperfectionis habent immixtum, et faciunt vere esse, et creata immortaliter, id est, ad immortalitatem conferendam, et aeternaliter delectata, quia in eis praegustantur in aeternum duratura, per extremam, id est, maximam insipientiam et perniciosam, id est, mortiferam, sibimet : vero id est, sed concupiscentes et operantes materialem alienationem , id est, vanam vitam, quae per modum materiae mutatur, ei passibilem, quia passionibus subjacet, et delicias perditas et corrumpentes veritates, et delectationem in alienis, id est, in peccatis quae aliena sunt a nostra natura infirma, quia non potest praebere jucunditatem quam promittit, cum semper commisceatur multis contristantibus, non existentem, sed opinabilem, videtur enim esse delectatio et non est.