EXPOSITIO TEXTUS.

Cum igitur continua, etc.

Cum igitur continua, id est, continuo cantata hymnologia, id est, laude sacratissimarum Psalmorum disposuerit coadunare nostros animales habitus, qui sensui inhaerent, in quo cum aliis animalibus communicamus, ad sacrificia exponenda, id est, disponendo vel consecrando, ad paululum, id est, paulo post: et cum promulgaverit, id est, indixerit significando, consonantia divinorum cantuum, consensum, id est, pacem habendam ad divina et nosmetipsos, et inter nos invicem quantum ad proximum, ut una et confessa, id est, authentica regione, id est, congregatione sacrorum : quae enim in aliis libris dicuntur, omnia in Psalmis compilantur et congregantur : et ideo invitamur per eos ad pacem, tum ex concordia sacrae Scripturae, tum ex concordia vocum in cantu : cum, inquam, ita fecerit ea quae sunt coordinata, id est, simul posita, et coadumbrat a, id est, propter brevitatem obscu ra, in intellectuali Psalmodia Psalmorum inveniuntur sacratissimis lectionibus professarum constructionum, id est, Scripturarum per plures et apertiores imagines, id est, similitudines, et praedicationes, id

monstravit, cum praedictionum ejus veritatem effectus hujus comprobavit, divinorumque sermonum operatio divina sit summa.

est, exhortationes, vel laudes : et ideo post Psalmos leguntur aliae lectiones : in his, quae diximus, adspiciens, id est, considerans, sacre videbit unam inspirationem uniformiter esse in tota sacra Scriptura, ut conclusam in uno libro Psalmorum, ab uno divino spiritu : unde, id est, propter eamdem uniformitatem ostendendam, pulchre in mundo, id est, in mundi consuetudine, praedicatur Novum Testamentum post antiquiorem traditionem, id est, post lectionem Veteris Testamenti, divina hierarchica ordinatione declarante, illud scilicet quomodo ipsa quidem vetus traditio dixit futuras divinas operationes Jesu, hoc vero, scilicet Novum Testamentum perfecit, id est, completum ostendit : et etiam quomodo quidem vetus illa traditio scripsit veritatem in imaginibus , sicut dicit Apostolus ad Heb. X, 1 : Umbram habens lex, etc. : hoc vero, scilicet Novum, demonstravit veritatem, Christum scilicet praesentem. Hoc enim, scilicet Novum,cognovit veritatem ex praedicationibus illius, scilicet veteris, operatione per fecta per seipsam, perficit enim per collationem gratiae, non exspectans perfectionem ab alio sicut vetus lex, quae neminem ad perfectum adduxit : et ideo divina operatio, scilicet Novum Testamentum, est consummatio, id est, perfectio Theologiae, id est, veteris legis et novae, ut dicit Commentator : quia veterem Scripturam vocat Theologiam, novam vero Dei operationem: quia vetus tantum dicebat praecepta divina, sed nova confert gratiam ad operandum.

14