DIVISIO ET EXPOSITIO TEXTUS.

A. Lex quidem divinitatis , etc.

Dividitur autem haec pars in tres partes. In prima ostendit in divinis illuminationibus recipiendis esse distinctos gradus. In secunda ostendit, quod inter gradus nostrae hierarchiae ordo est prior, ibi (g 12), Horum igitur est primorum, etc. In tertia ostendit quod idem est primus et novissimus, ibi (sig. 13), Sub lissimus autem, etc.

Primum autem sic probat : Lex communis divinitatis non deficit a nostra hierarchia : sed. lex communis divinitatis

est distincte reducere in suam lucem per prima media, et per haec ultima : ergo in nostra hierarchia debent esse ordines distincti, per quorum primos reducantur alii.

Deinde probat, quod sit lex divinitatis, ibi (sig. 11, B), Aut non sensibiles, etc.

Et est ratio talis : Elementa corporalia magis tradunt suas virtutes his in quibus primo sunt, quibus mediantibus etiam aliis communicant, calidi namque virtus vel frigidi fortior est in mixtis tantum quam in complexionatis : et quanto plus receditur a simplicitate elementorum, magis debilitantur virtutes elementorum . et reducuntur ad medium. : sed in spiritualibus communicationibus major debet esse distinctio et ordinata pulchritudo quam in corporalibus : ergo et in spiritualibus superiora plus participant de luce divina et reducunt inferiora.