DIVISIO TEXTUS.

Lex quidem divinitatis haec est, etc.

In parte ista incipit determinare in speciali de operationibus hierarchicis, quibus personae Ecclesiasticae in aliquo gradu constituuntur : et dividitur in partes duas. In prima agit de operationibus, quibus consecrantur hi qui in gradu superiori ordinantur in Ecclesia. In secunda, de consummationibus eorum, in quibus stat ordo hierarchiae, qui super alios scilicet non constituuntur, ibi (cap. VI, sig. 4), Sacerdos quidem stat in conspectu, etc.

Prima iterum dividitur in partes duas. In prima determinat de tribus gradibus Ecclesiastici ordinis, qui est superpositionis ad inferiores. In secunda, de actionibus eorum quas habent in interiores, (cap. VI, sig. 1) ibi, Hi quidem sacerdotales ordines, etc.

Prima dividitur in partes tres. In prima determinat perfectiones trium, scilicet Episcopi, sacerdotis, et diaconi. In secunda ponit ritum consecrationis eorum, ibi (sig. 20), Summus quidem sacerdos, etc. Et in tertia assignat theoriam,

ibi (g 21), Communia quidem sunt, etc.

Prima pars intitulatur de sacerdotalibus consummationibus, id est, in quibus perfectionibus constituantur per ordines sacra dantes inferioribus : et dividitur in partes duas. In prima determinat de quolibet trium ordinum divinorum. In secunda agit de eis communiter secundum comparationem unius ad alterum, ibi (sig. 19), Ipsae quidem enim, etc.

Prima dividitur in partes tres. In prima determinat de Episcopis. In secunda, de sacerdotibus, ibi (sig. 16), Sacerdotum autem, etc. Tn tertia de diaconis, ibi (sig. 17), Ministrantium vero, etc.