EXPOSITIO TEXTUS.

Super nos igitur, etc.

Hic ostendit qualiter significetur ordo Seraphin in consecratione Chrismatis, et primo, quid significatur in eis per alas, quae Chrismati circumponuntur, Secundo, quid per cantum qui fit in consecratione Chrismatis, scilicet " Sanctus, sanctus, " sanctus, " ibi, Et multum laudabilem, etc.

Dicit ergo primo, quod per duodecim alas quae circumponuntur Chrismati, quo significatur Christus, significatur ordo Seraphin, qui propter suam eminentiam immediate collocatur circa Christum, intendens ejus contemplationibus, et repletus ejus suavitatibus, quantum justum, id est, secundum proportionem suam, inhians, id est, cum desiderio intendens.

Postea dicit, quod etiam significatur per cantum, qui fit in consecratione

fessa est, et divinum habet amorem indeficientem ; omnique malitia et oblivione superior existit ; unde clamor ille incessabilis, meo quidem judicio, designat sempiternam eorum et immutabilem, cum omni contentione atque gratiarum actione, rerum divinarum scientiam atque cognitionem.

Chrismatis praedictus ordo, secundum quod de eo legitur, Isa.VI , 3, quod indesinenter clamabant, Sanctus, sanctus, sanctus. Et etiam hic continuus eorum cantus significat eorum scientiam semper extensam in Deum, sine aliqua oblivione ejus, et indeficientem amorem divinum, qui non interrumpitur aliqua malitia : et proprie ordo significatur per cantum Chrismatis, reclamans alter ad alterum, etc.

Sensibiliter dicendo, id est, secundum quod per sensibilia figuratur, oribus, Alia translatio, " buccis, " Theologiam, id est, Sanctus, sanctus.

Animorum, id est, intellectuum, scilicet Angelorum, erecta, id est, perfecta, scientia, et incessabilem habet divinum amorem.