DIVISIO ET EXPOSITIO TEXTUS.

Haec igitur, ut dixi, etc.

Hic in speciali ostendit theoriam omnium eorum quae aguntur circa hoc sacramentum : et dividit in partes duas. Primo enim ponit theoriam eorum quae ante consecrationem aguntur. Secundo, eorum quae in consecratione, et deinceps, ibi (sig. 21), His autem ea quae dicta sunt, etc.

Prima in duas. Primo dicit de quo est intentio. Secundo exsequitur, ibi (g 10), Et summum sacerdotem, etc.

In prima tria facit. Primo enim dicit de quo est intentio. Secundo invocat Christi auxilium, ibi, Sed divinissima, etc. Tertio reddit auditorem attentum, ibi, Oportet igitur, etc.

Littera sic exponitur : Igitur (ut supra dixD quod multi sola symbola prospiciunt, nos relinquentes imperfectis adhuc ad contemplationem sufficientem hujus sacramenti, haec symbola bene descripta in atria abditorum, id est, occultorum spiritualium ut sunt contentiva, sicut atrium domum circumdat : vel hoc dicit propter positam expositionem, quae est

Sancta itaque nobis penetranda censeo, ut, Intelligentia primi simulacri spiritaliter detecta, deiformem ejus pulchritudinem intueamur, quasi ostium ante atrium occultorum, quae post consideranda sunt : nos dico, relinquentes, intremus a causalibus, id est, symbolis quae sunt causae per modum ducendi in spiritualia, in causas, id est, spiritualia, quae sunt finales

symbolorum, juxta sacram nostram synaxim, id est communionem, et sic intrantes Jesu luciduco, id est, per suam lucem nos ducente, videbimus beatam theoriam, id est, contemplationem invisibilium, exteriori visu : hanc dico, manifeste declarantem pulchritudinem, id est, decentiam principalium formarum, id est, symbolorum principalis sacramenti.

Sed, o Jesu qui es divinissima et sacra teleta, id est, consummatio, vel quia in hoc sacramento continetur totus, manifestare, id est, manifesta te nobis splendide, id est, sine velamine, revelans vestimenta aenigmatum, id est, species sensibiles, circumposita tibi symbolice, ad modum vestimenti, et reple nostros intellectuales vultus uniformi et non velato tuo lumine.Igitur, o Timothee, ex quo hoc tam altum est, quod dicendum est, oportet nos adesse intus per intellectualem contemplationem et attentionem retrahentem nos a similibus, que, pro et nos denudantes invisibile primi, id est, dignissimi de numero sacratissimarum agalmatum, id est, imaginum expresse et cum laetitia repraesentantium, id est, symbolorum sacramentalium, oportet intendere in deiformem pulchritudinem ejus, scilicet invisibiles species.