DUBIUM.

Sed hic est dubitatio.

i. Videtur enim, quod Eucharistia non sit dignior inter alia sacramenta. Sacramentum enim, quod majoris est effectivum, dignius est sacramentum : sed baptismus est sacramentum maximae gratiae, quia omnia peccata delet et non requirit ultio rem planctum, quod non est in Eucharistia : ergo ipsa non est dignior inter alia.

2. Praeterea, Quod a digniori datur, videtur esse dignius : Eucharistiae autem sacramentum datur et conficitur a quolibet sacerdote, confirmatio autem datur tantum ab Episcopo : ergo, etc.

3. Praeterea, Sacramentum quod im-

primit characterem, est dignius eo quod non imprimit : quia character est divinum signaculum : sed in baptismo, confirmatione et ordine, imprimitur character, in Eucharistia non : ergo ipsa non est dignior illis.

4. Praeterea, Quod constituit in aliquo gradu dignitatis, est dignus eo quod non constituit : sed Eucharistia non constituit in aliquo gradu dignitatis, ordo vero constituit : ergo ordo dignior est.

5, Praeterea, Si Eucharistia debuit poni ante alia, quia dignior est eis, cum sit dignior omnibus,debuit poni ante baptismum.

Solutio. Dicendum, quod Eucharistia est dignissimum sacramentorum quantum ad id quod in se continet : continet enim in se totum Christum secundum divinitatem et humanitatem, cum illa non contineant nisi aliquam gratiam, et hoc est simpliciter esse nobilius. Alia autem possunt esse nobiliora secundum quid, scilicet secundum effectum quem habent majorem et digniorem in recipiente : nec tamen hoc est ex defectu ejus quod continet sacramentum, quia illud secundum efficaciam et substantiam et quolibet modo dignius, sed propter institutionem, quia scilicet non fuit ad illos effectus institutum. Et per hoc patet solutio ad quatuor prima.

Ad ultimum dicendum, quod baptismus est fundamentum quod supponunt omnia alia sacramenta : et ideo necessitate quadam oportuit primo de ipso determinari.

2