DIVISIO ET EXPOSITIO TEXTUS.

Credimus autem esse, etc.

Hic ponit significatum hujus confectionis, et primo ponit significatum ipsum. Secundum ostendit similitudinem signi

ad signatum, ibi, Ipsa enim sensibilium, etc. Tertio concludit propositum, ibi, Non ergo myri, etc.

Dicit ergo primo, quod Dominus Jesus replet intellectum nostrum invisibilibus odoribus, scilicet distributionibus gratiarum cum magna delectatione, intellectuale nostrum, id est, intellectivam partem : et hoc est significatum.

divini odoris suavitate perfundi, atque sacra quadam voluptate et divinissimo alimento satiari. Ipsamet igitur unguenti mystica compositio, quasi in figuratione rerum infigurabilium,ipsum met Jesum nobis depingit esse fontem uberem, e quo divinorum odorum suavitates hauriuntur, dum proportionibus divinoprincipalibus in mentes maxime deiformes divinissimos illos spiritus infundit, quibus suaviter affectae, sacrisque perceptionibus plenae, spiritali alimonia perfruuntur, dumsuaveolentes istae distributiones divina largitione spiritalem animae portionem subeunt.

Ipsa enim, etc. Hic assimilat secundum proportionem signum ad signatum.

Dicit ergo, quod odor sensibilis facit delectationem et saturitatem in sensu olfactus, dummodo organum sit sanum et proportionatum ad bonum odorem. Similiter intellectus noster quando est sanus, absque scilicet corruptione peccati, et quando est proportionatus ad divina secundum mensuram naturalis valetudinis et conversionis adunantis intellectum ad Deum, participat divinos odores, id est, spirituales gratias, quibus repletur delectatione et nutrimento sive satietate.

Suavitatum, id est, odorum suavium, discretivum olfacientium, id est, olfactibillum, hoc est, sensum olfactus, qui discernit inter odores, si quidem (duae partes) integrum, id est, " sanum, " sic enim habet alia translatio, et illaesum sit ad bene olax, scilicet discretivum, compactum, id est, compositum, vel complexionatum.

Et proportionaliter : non enim est similitudo corporalium ad spiritualia per participationem ejusdem qualitatis, sed secundum proportionem ad actum, qui attenditur. Est enim collectio duarum proportionum quarum utraque est in

duobus vel pluribus. " Si quis dixerit, " alia translatio, aliquis minorationem " dicat quidem in malum, " id est, qua aliquis minoratur per peccatum : alia translatio, " subjectionem: " dispositas, hoc respondet sanitati in corporalibus. Proportionaliter dico est, si quis dicat has virtutes fieri in receptione divinae suaveolentiae, scilicet gratiarum, et impleri per eam beneficentia: alia translatio, " delectatione, " et alimento, et hoc secundum mensuras, id est, proportiones deificas, id est, quibus accedimus ad Deum, quae sunt in ipsa naturali valetudine discretivi, id est, rationis quae est in nobis, secundum quod minus accipimus Angelis et aliis creaturis Dei, et secundum conversionem, id est, intellectus ad Deum et affectus : coadunatam, id est, unientem, secundum quod quidam homines plus aliis recipiunt, et hoc respondet commensurationi organi sensibilis.

Non ergo myri, etc. Hic concludit propositum.

Dicit ergo, quod confectio Chrismatis describit nobis ipsum Jesum, qui est fons divinorum odorum, quibus animi nostri delectantur, et satiantur, invisibili esca utentes, intrantes ad intellectualia, secundum quod participant spirituales suaves odores : ergo ex quo Chrismatis confectio est ex odoriferis quae sensum delectant et reiiciunt, sicut spirituales gratiae emanantes a Christo in intellectum.

Non, id est, nonne, quasi dicat, sic, pendet interrogatio usque finem hujus partis. Alia translatio non potest legi interrogative, per figuram figurata describuntur : fontem sicut corpus omnium odoram progredientium ab ipso, vel per evaporationem, vel transmutationem. Alia translatio, " fontanam divitem. " Dives in omnes qui invocantillum, ad Rom. x, 12. Alia translatio, " copiam. " Jesum, dico, redentem deiformiora symbolicis de numero intellectualium divinis proportionibus, id est, proportionatis ad divina secundum eorum proportiones, et Jesum declarantem diuinissimos vapores, id est, spirituales odores per contemplationem ipsorum. Alia translatio, " Ad deiformia intellegi ctualium reddentem divinissimus fra- " grantias in introitu eorum, " scilicet animorum, ad intellectuale, id est, secundum quod intuentur in illa. Alia translatio, " Alimento intelligibili utuntur, " scilicet introitu bene olentium distributionum ad intellectuale ipsorum secundum divinam participationem.