EXPOSITIO TEXTUS.

Revelanda tamen sunt, etc.

Hic ostendit quibus revelanda sunt symbola, et quibus occultanda, dicens : Quamvis nostri duces intellectualia symbola tradiderunt, tamen rationes, id est, significationes symbolorum sunt revelanda?, id est, exponendae sacris divinis perfectoribus, id est, his qui in divinis ultra alios communiter perfecti sunt. Quas scilicet rationes non est justum educere exponendo in adhuc perficiendos,

buisse. Quapropter tui etiam ipsius sacrosanctis pactionibus persuasus (earum enim meminisse sanctum) episcopatus quidem ordinem, ut caeteris praestantiorem, nequaquam alteri communicabis, praeterquam tui similibus deiformibus sacerdotibus ; ipsisque persuadebis ut juxta ritum hierarchicum profiteantur, sancta quidem sancte contrectare, solis autem deifica divinis, perficientia perfectionis capacibus, sanctisque sanctissima communicare : nam praeter alia sacrorum ordinum munera, hoc quoque divinum tibi munus demandamus.

quia nondum perfecti sunt, ne scandalizentur et irrideant. Non est, dico, has justum educere, scilicet scientes quomodo nostri duces, latores, docendo vel scribendo, legis sacrorum ornatuum, divinae, in qua scilicet ornatus sacri et donorum spiritualium traduntur. Latores, dico, Deo tradente, quia non a seipsis, sed Spiritu sancto inspirati, locuti sunt sancti Dei homines . Quomodo, dico, isti ordinaverunt nostram hierarchiam statutis firmis, et inconfusis, vel separatis a confusionis discrimine, vel impermixtis ordinibus et unoquoque accipiente secundum dignitatem sui ordinis, ut non omnes aequaliter accipiant. Ordinaverunt, dico, proportionibus ex parte recipientium, et sacris distributionibus, id est, donis sacris distribuentes secundum proportiones dictas.

Propter quod, scilicet sancti patres, ordinaverunt, et, id est, etiam ego, credens tuis sacris confessionibus : et dicuntur hic confessiones, quaedam sponsiones quae fieri solebant in primitiva Ecclesia, et adhuc fiunt in ordine Episcoporum et sacerdotum, ut scilicet sit dignus et castus, etc. : inter quas etiam erat hoc quod spondebant, scilicet sacra non communicare immundis. Unde dicit credens, etc. id est, credens quod in memoria habeas quod promisisti ad observandum : enim, id est, quia sanctum est recordari earum, scilicet confessionum ut impleantur. Ego, dico, credens, tradidi tibi ex divino dono quo donata sunt mihi et hoc opus aliaque de numero hierarchicorum , in aliis libris sic, Id est, tali pacto, ut omnem quidem laudem, id est, laudandam hierarchiam sup-

positam, id est, nostrae inferioris hierarchiae doctrinam, non tradas alteri praeter aeque ordinatos tibi, scilicet deiformes, sacros, perfector esque, pro quo patieris confiteri eos quibus tradis, id est, recipies confessionem ab eis, secundum praedictam legem hierarchicam statutam a Patribus : confiteri, dico munda quidem tangere eos tantum qui sunt de numero mundorum, et communicare deificata, id est, sacramenta, solum divinis viris, quia pro sanctis sanctissima, et non pro aliis.