DUBIUM.

1. Sed videtur hoc esse falsum, quod habeant incessabilem divinum amorum : non enim possunt simul moveri moribus diversarum virtutum, cum sint essentiae simplices : sed quandoque moventur motibus aliarum virtutum : ergo non habent incessabilem divinum amorem.

2. Praeterea, Scientia eorum non semper est in actu : quia non semper actu considerant idem, sic enim nullo modo considerarent alia : quod autem quandoque considerat aliquid, et quandoque non, est in potentia quandoque secundum illud : ergo non habent scientiam incommutabilem de potentia in actum.

3. Praeterea, Philosophus dicit in undecimo ''philosophiae primae , quod " om" nis intellectus habens diviniorem se, rece ducitur de potentia in actum ab illo : " sed intellectus Seraphin habet alium diviniorem se, scilicet divinum : ergo reducitur de potentia in actum : non ergo Seraphin semper habet actualem scientiam.

Si dicatur, quod intelligit et quod habet semper scientiam et amorem, non actu, sed habitu. Contra :

1. Felicitas patriae perfectior est felicitate viae : sed sicut dicit Philosophus in Ethicis, " Felicitas viae non est habitus, " sed. actus, vel operatio secundum per-

" fectam virtutem : " ergo et felicitas patriae, quam constat esse in Angelis, et consistit in scientia et amore actuali, non vero habituali.

2. Praeterea, Habens habitum et non agens non differt a dormiente : sed dormientem nullus diceret felicem : ergo cum Angeli sint felices, non erit eorum habere habitualem amorem et scientiam, sed actualem.

Solutio. Dicendum, quod felicitas Angelorum non consistit in habitu, sed in actione : quia in operatione tantum est delectatio : et concedimus rationes ad hoc.

Ad primum ergo dicendum, quod amor non tantum est specialis quaedam virtus, sed est communis motor imperans actum elicitum ab omnibus aliis virtutibus : non est ergo semper actu hians ut semper eliciat proprium actum secundum quod est specialis virtus, sed secundum quod importat actus etiam aliarum, secundum quod etiam dicit Philosophus, quod " una dies non facit ver, " sed plures. "

Ad secundum dicendum, quod ratio felicitatis non est ex cognitione lapidis vel cujuscumque alterius objecti, sed ex eo quod est medium cognoscendi omnia alia, quod est lumen divinum primum, et hujus semper habent actualem scientiam, licet non semper actu considerent ea quae per hoc medium cognoscuntur.

Ad tertium dicendum, quod intellectus natbere alium diviniorem se dicitur, aut secundum efficientiam, eo quod faciat ipsam in actu potentiam : aut secundum participationem, quia anima actu participat ipsum: et sic non oportet quod quandoque sit in potentia, quia in quantum participat ipsum, est actu : et sic Angeli habent intellectum diviniorem, sed non primo modo, et Philosophus loquitur secundum primum modum.

10