BALTH. CORDERII, S. J. INTERPRETATIO.

Secundum illam autem caelestem mundoque superiorem hierarchiam divinitas in nos benefice sacratissima sua numera depromens, iis quidem qui infantes erant, ut Scriptura testatur, legalem indulsit hierarchiam, sub exilibus nimirum veritatem imaginibus atque simulacris ; quae ab exemplaribus plurimum dissidebant, obscurisque aenigmatibus et figuris, quae opertam nec ita facilem dijudicata intelligentiam habebant, lumen iis proportionatum, tamquam imbecillioribus oculis, innocue affundens. Hujus autem legalis hierarchis mysterium introductio quaedam fuit ad cultum spiritalem. Duces ejus exstiterunt ii qui sacri illius tabernaculi ritum a Moyse, primo legis pontificum doctore ac duce, didicerant: qui ad sacrum illud tabernaculum institutionis causa hierarchiam legis describens, ad exemplaris, quod illi in monte Sina monstratum fuerat, imaginem et imitationem omnia, quae in lege sancte flebant, revocabat.