EXPOSITIO TEXTUS.

Sed est ibi clarum, etc.

Hic ostendit quid significet unctio qua baptizandus ante baptismum ungitur, et dicit quod ungitur ad similitudinem pugilis, ut fortiter dimicet contra adversantes sibi, quantum ad gratiae statum.

Dicit ergo : Sed ibi, hoc est, in hac materia, ut aestimo, clarum est, id est, evidens eruditis hierarchicorum, id est, hierarchia, hoc scilicet quod resistentibus sibi, ne sit in gratia, scilicet peccatis et daemonibus, devictis in fortitudine ad unum, id est, per fortitudinem quam consequitur ex. eo quod colligit se in Deum, et universalibus interemptionibus, id est, destructionibus quantum ad maculam, et abolitionibus, Id est, deletionibus contrariorum gratiae quantum ad reatum, immutabile deiformis habitudi-

tium ut pulchre munerator exsistit. Et quod his divinius est, cum in ipsismet pugilibus ut bonus exstiterit, sacramentaliter pro illorum libertate atque victoria, mortis ac corruptionis imperium debellando, in certamina quidem gaudens, utpote divina, initiatus ascendet, legibus autem sapientis insistet, juxtaque illas inviolate certabit, illustrium praemiorum certa spe fultus, sub bono certaminum exhibitore Domino ac ductore constitutus:

nis, id est, immutabilis, non per naturam, sed gratiam, virtus divina quae est in baptismo, postquam superavit propria peccata praeterita, per conversionem ad Deum, valet, id est, vigorose potest se extendere ad intellectualia, scilicet divina intelligenda et saporanda. Non enim oportet tantum redire ab omni malitia, sed et, id est, etiam esse viriliter durum, id est, firmum, et semper intrepidum contra perniciosam subjectionem in eam, scilicet malitiam : haec enim subjecto vitiosa est : neque, id est, et non oportet fieri umquam in quiete, id est, in cessatione templi, id est, sacri amoris veritatis divinae, id est, ab amore (alia translatio, " refectione " id est, numquam tali amore fastiditus satietur : vero, id est, sed oportet eum attente, id est, cum summo studio, et aeternaliter, id est, immutabiliter extendi in eam veritatem, ut virtus id est, virtuose, dico, semper sacre se agentem per exercitium boni operis et sanctae meditationis ad perfectissimam ascensionem divinitatis, sicut dicitur in Psal. lxxxiii, 7 et 8 : Ascensiones in corde disposuit, et, Ibunt de virtute in virtutem, etc.

Vides autem, id est, videre potes, vel interrogative, diligentes, id est, expressas imagines vel figuras, horum quae ante dicta sunt in perficiendis hierarchice. Summus quidem sacer-dos deiformis inchoat sacram unctionem, ungens eum oleo sancto, ter signans eum (ut dictum est) ut ostendatur, quod ipse est hierarchicae perfectionis principium : sacerdotes vero qui sunt sub ipso, perficiunt sacrificium, id est, sacramentum untionis, evocant es perficiendum, id est, baptizandum, ad sacra certamina, id est, ut certando ad perfectiones divinas perveniat, et hoc, in similitudine, id est, per symbola secundum quae, scilicet sacra dona in. baptismo percepta, est factus sub Christo militante : in Graeco habetur , quod est pugil, sicut miles sub

AdminBookmark

rege militante, est enim simul et miles et Rex. Quoniam ut Deus, id est, in quantum Deus, est creator militiae, id est, militum spiritualium, et sic est Rex eorum : vero, id est, sed ut est sapiens, id est, in quantum est sapiens, posuit leges ejus, scilicet militiae quibus exerceatur : sed ut bonus et decorus, id est, omnia decenter ordinans, operatus est victoribus bravia, id est, praemia : et dicitur bravium praemium quod datur in fine cursus. Ei adhuc divinus, id est, Deum maxime decens, quoniam quidem ut est optimus , effectus est carnem assumens in militibus, id est, inter milites sacre concertans, id est, simul certans cum suis militibus, ad, id est, contra potestatem mortis et corruptionis, quae annihilavit, et hoc pro libertate et victoria eorum, id est, suorum militum. Sic igitur inquantum est Deus, militiae creator et Rex : in quantum sapiens, baptizator : in quantum bonus, praemiator : in quantum optimus, concertator : Ipse quidem Christus gaudens ascendit tamquam Deus perfectus, id est, " tamquam " in divinis perfectus, "sic enim tranet alia translatio, certantibus, id est, certaminibus, hoc est, virtute suorum certaminum ascendit ad plenitudinem divinorum donorum, sicut dicitur ad Philip. II, 8 et 9 : Christus factus est obediens iisque ad mortem, etc. Propter quod et Deus exaltavit illum, etc. Vel aliter secundum Commentatorem, ipse ordina- tus sub Christo ascendit gaudens, certantibus secum aliis, tamquam perfectus divinorum. Autem, id est, sed ipse ordinatus sub Christo optimo militiae duce et Domino, manet in legis lationibus sui ducis sapientis, et secundum eas directus contendit, id est, certat sine transgressione legis, ipse dico, habens se similiter ad, spem bonorum praemiorum.