DUBIUM.

1. Sed videtur hoc esse falsum, scilicet quod manserit tribus diebus et tribus noctibus in sepulcro : fuit enim sepultus feria sexta circa noctem, et resurrexit die dominica in mane : ergo non fuit in sepulcro tribus diebus, sed uno die et duabus noctibus. Si dicatur, quod locutio est intelligenda per synecdochen, ponitur enim pars diei pro toto die, adhuc non erit verum dicere, quod fuerit in sepulcro nisi duobus diebus et totidem noctibus : quia in nulla parte diei dominicae fuit in sepulcro, et similiter nec in nocte quae praecedit sextam feriam : ergo videtur quolibet modo esse falsum.

Si dicatur, quod debet computari nox quae praecedit sextam feriam et dies resurrectionis. Contra : Dies et nox sequuntur motum caeli : sed principium motus est in Oriente : ergo et princi-

pium diei erit in aurora : si igitur debet esse revolutio in die, oportet quod nox sequens, non praecedens, computetur cum die.

2. Item, Quaeritur quare Christus fuit in sepulcro tantum die uno artificiali, et duabus noctibus ?

Solutio. Dicendum,quod accipitur dies pro parte diei per synecdochen, et debet computari nox praecedens sextam feriam tamquam pars sequentis diei, et similiter dies resurrectionis cum nocte praeceden-

te tamquam pars diei naturalis : et licet quantum ad naturam motus dies praecedat noctem, tamen quantum ad significandum virtutem passionis Christi qui nos reduxit de tenebris in lucem, convenienter post noctem computatur dies. Ad aliud dicendum, quod ideo remansit in sepulcro uno die et duabus noctibus artificialibus, ut ostenderet quod per ipsum qui est lux, destructa est in nobis duplex tenebra, scilicet peccati et mortis.

12