EXPOSITIO TEXTUS,

D. Ad nullum aliud, etc.

Ad nullum aliud retractus, ita quod in hoc tendat ex toto, et non tendat ad aliud significandum, aut secundum quid partitus, ita quod partim intendat ad significandum hoc, et partim ad significandum aliud : sed ipsum illum qui describendis est, effingit, id est, quasi alterum ipsum efformat, propter similitudinem, si tamen hoc est justum dicere, quod In veritate non est ipsum : alia translatio, " duplicahit. " Sic mundis in animo, etc. Hic adaptat exemplum, et primo communiter, secundo specialiter, quantum pertinet ad occultationem Chrismatis, ibi, Juste igitur, etc.

Dicit ergo primo, quod simile est in spiritualibus, quod anima per contemplationem intenta ad divinam odoriferam pulchritudinem, conformat se sibi sic quod In nullo erat a Dei similitudine intendens ad aliquid aliud. Sic ipsa contemplatio intenta ad formam, scilicet divinam pulchritudinem bene olentem et occultam describit, mundis, id est, sanctis in animo phantasma, Id est, similitudinem deiformissimorum, Id est, divinarum formarum, non errans ab ejus

repraesentatione. Vel aliter, describit ipsam ipsis, contemplatio non errans secundum phantasma, id est, similitudinem, etc. Alia translatio, " phantasmate. " Juste igitur, etc. Hic adaptat exemplum specialiter. Dicit ergo, quod ex quo sanctorum contemplatio debet esse intenta ad imitationem divinae pulchritudinis, rationabiliter tantum intendentes ad ipsam imitandam, quae invisibilis est, nihil agunt ut videantur ab hominibus, sed complent in seipsis quod repraesentat Ecclesia in Chrismatis velatione : et ideo sic velantes interiores virtutes respiciunt solum ad divinum lumen, et cum sint Deo assimilati, non solum avertunt se a temporalibus bonis, quantum ad amorem, quia hoc etiam imperfectorum est, sed. etiam quantum ad cogitationem, quia non cogitant quae mundi sunt, quomodo placeant mundo : sed ipsi sunt vere boni et divini inspiciunt et amant ea quae sunt vere bona tantum, et non apparentia bona, et ideo non attendunt ad gratiam humanam, quae non est verum sed apparens bonum secundum aestimationem omnium, imitantes Deum, qui judicat bona vel mala ea quae in se sunt vere, et non quae sunt secundum aestimationem.

Igitur sancti conversi ad Deum, specificantes, id est, formantes intellectuale suum, id est, intellectum ad pulchritudinem, etc, in inspiciendis hominibus, id est, ut videantur ab hominibus, secundum eloquium, (Matth. VI, 5), tamquam in imagine, id est, sicut significatur per ea quae sunt hic. Propter quod et ipsi secundum virtutem, id est, secundum simul posse, sanctum et deiformis simum,

id est, divinissimam gratiam per quam sunt sancti et deiformes, respiciunt ad solam intelligentiam, id est, Deum, archiformem, id est, principalem formam habentem.

Contemplatores secundum quod contemplatio dicit visionem cum amore, quia ubi amor, ibi oculus : dissimilium, non solum intelligitur de his quae sunt dissimilia per effectum sicut peccata quae faciunt dissimilem a Deo, sed etiam de temporalibus quae sunt dissimilia a Deo : visionem, id est, simplicem cogitationem: neque amant decores visibilium bonorum, scilicet horum quae videntur bona, sed eorum quae vere sunt bona, et hoc consequenter sibi, id est, secundum quod convenit eis quae sunt vere bona. Alia translatio : " Neque enim invisibiles sunt " solum dissimilibus, sed neque ipsi ad " illorum trahuntur visionem : unde se-" cundum consequentiam suiipsorum, " neque apparentia vane pulchra et justa, " sed vere existentia amant. " Nec gloriam vident a multitudine, id est, ab his qui non uniuntur ad unum, beatificatam, id est, " positam in beati-" tudine, " ut dicit Philosophus in primo Ethicorum, in seipso, id est, secundum sui naturam : agalmata, expressae imaginationes. Alia translatio, " insignia ", quae sunt in nobis exemplata : bene olentiae quae habens ex seipsa, id est, ex sui natura, verum bene olens, non convertitur ad opinabile dissimiliter multis, de eo enim quod est opinabile bonum, est diversum judicium,vel dissimiliter multis qui convertuntur ad opinabile bonum, formans, id est, mutans sui pulchritudinibus, id est, donis gratiarum, unum scilicet Deum, quod est bonum sine simulatione, id est, vere, non tantum apparenter.

4