BALTH. CORDERII, S. J. INTERPRETATIO.

Scimus autem, divinissimum illum Jesum suprasubstantialiter flagrantem, spiritalibus distributionibus partem nostri spiritalem divina voluptate recreare. Si enim rerum sensibilium suaveolentia nostrum, modo sanus et rei odoriferae debita proportione accommodatus sit, olfactum bene afficit, et magna cum voluptate alit, eadem utique ratione dicat aliquis, spiritales nostras facultates, si nulla in malum propensione corruptae fuerint, naturali quodam judicii vigore, secundum divinae operationis modos congruamque mentis ad Deum conversionem,

animi ad Deum conversionem, in receptione divinae suaveolentiae fieri, et benefacientia sacra impleri, et divinissimo alimento. Non ergo myri symbolica compositio tamquam informatione informium ipsum nobis subscribit Jesum, fontem existentem divinarum suavium receptionum divitem, proportionibus divinis deiformiora intellectualium reddentem, divinissimos declarantem vapores in quibus animi pacifice delectati, et divinis assumptionibus repleti, esca invisibili utuntur ad intellectuale eorum introitu, juxta divinam participationem suaveolentium distributionum.