EXPOSITIO TEXTUS.

Haec sacris actionibus, etc.

Hic aptat quod dixerat, ad. propositum.

Dicit ergo, quod sacerdos symbolis sensibilibus describit nobis quod dictum est, quia per hoc quod propalat palam post occultum, significatur quomodo Christus assumptione nostrae naturae in symbolum apparuit: per hoc enim quod dividit unitum panem, significat quod ipse ex indivisibilitate divinititatis venerit ad nostram divisibilitatem, natura tamen divina in nullo mutata : per hoc vero quod distribuit, significat quod Christus facit nos participes sui et suorum donorum, quia assimilamur vitae suae secundum quod possumus per imitationem et

per communicationem perfectionum divinitatis ipsius.

Et perficiens participes eorum, scilicet symbolorum, id est, communicantes, socios imitati distributorum, scilicet symbolorum, ad ea in quibus fiunt, id est, ad recipientes, id est, communicantes associantur in unitate quae est symbolorum ad assumentes ea, et hoc, secundum tempus, id est, secundum proportionem sumentium, quia secundum quod procedunt in tempore in fide , habent etiam perficere in sanctitate. Alia translatio habet, " Et divisorum unitione ad ea, in " quibus fit secundum summum commu- " nicatores ipsorum faciens participanti tes ". In sensibilibus, id est, symbolis. Alia translatio, " sensibiliter, nostram " vitam, Jesum, invisibilem, " id est, qui est vita invisibilis animae nostrae: ex occulto secundum Deum, id est, secundum divinam naturam, quia lucem habitat inacessibilem , inconfusa, quia sine permixtione naturarum, perfectissima, quia perfectus Deus, perfectus homo : specificatum, id est, speciem nostram accipientem, ex uno secundum naturam, ''scilicet divinam.

Divinissimae vitae ipsi, id est, humanitati : in similitudine, id est, per imitationem ejus, et per hoc quod participamus vitam humanam ipsius in imitando : pervenientes ad veritatem quantum ad divinam naturam, etc.

30