EXPOSITIO TEXTUS.

B. Rediensque iterum, etc.

Deinde dicit : Rediensque iterum Episcopus a choro ad divinum altare, incipit laudem divinam cum sacra melodia Psalmorum, incipiendo Tertiam, vel " Gloria in excelsis, " et hoc fit cum dispositione Ecclesiastica, id est, cum toto clero, concinente ei sacram orationem psalmi ficam, quia chorus prosequitur cantum. Deinde fit consequenter post haec ipsa lectio deltarumprofessarum, in Graeco est AdminBookmark , id est, ex divinis libris sumpta, et hoc fit per ministros, id est, diaconos et subdiaconos et lectores, qui legunt epistolas,Evangelium, et prophetias : sed quia ipse consuevit solum diaconos nominare ministros, possumus dicere quod totum hoc et sequentia faciunt diaconi per imperium, licet alii exsequantur. Et post has lectiones, foris

fiunt, id est, expelluntur sacro ambitu, id est, Ecclesia, catechumeni instructi in fide, et cum ipsis energumeni, qui sunt jam exorcizati, quibus non licet sumere Eucharistiam, quia nondum sunt baptizati: et qui sunt in paenitentia, de novo redeuntes a peccatis, vel qui faciebant solemnem paenitentiam in cinere et cilicio, quia abstinebant ad tempus propter reverentiam sacramenti.